هدى المفتي: لم أندم على رأس السنة والفيلم خارج صندوق المتوقع
تحدثت الفنانة هدى المفتي، عن أهم خطواتها في مشوارها الفني، وتمحورت في فيلمي بنات ثانوي ورأس السنة، مشيرةً إلى أنها لم تندم على أي عمل فني قدمته.
وقالت هدى المفتي خلال ندوتها ضمن فعاليات ملتقى She Can، الذي أقيم اليوم: أول دور سينمائي ليا كان في فيلم بنات ثانوي وكنت مبسوطة جدًا وكنا صحاب وارتجالي وعفوي بعيدًا عن الورق.
وتابعت هدى المفتي: ثم رشحني الأستاذ محمد حفظي لفيلم رأس السنة، وسافرت لبنان كان التصوير ممتع لكن جالي من الجماهير انتقادات كتير أوي على السوشيال ميديا.
وأضافت هدى: دوري في فيلم رأس السنة كان تحدى بالنسبة لي ودور مختلف وبره الصندوق، ولو رجع بيا الزمن في الاختيار مرة ثانية ممكن ميكونش اختياري وممكن يكون اختياري.
وأردفت هدي المفتي: أكبر تحدي للإنسان هو الاختيارات أي حد بيختار حاجة ليها علاقة بحاجة في حياته..مشكلتنا اختيارنا بناء على الأهالي بنختار أي حاجة ليها علاقة بالناس اللي حواليا.
وعن أكبر التحديات التي واجهتها خلال مشوارها الفني، أضافت هدى: أكبر تحدي مكنش في شغلي كان لنفسي، فكرت في حاجات كتير وفي الأوقات اللي مريت بيها، والمقالات اللي بتهزني خصوصا اللي عن شغلي، ببقى بشوف الحاجة وحاطة إيدي على قلبي.
استكملت هدى المفتي حديثها، قائلةً: سنة 2020 كان سنة هادئة بس نفسية متعبة على كل الناس على الكل لو حد معاه جنيه بيخاف عليه الناس بتشتري 10 علب صلصة العالم بيخلص، اتعلمنا فيها كلنا يعني الناس طلعت مواهب رسم وطبخ وغناء.
