محيي إسماعيل: هحكي سيرتي الذاتية على قناتي.. ومنى زكي مسئولة عن هجوم فيلم أصحاب ولا أعز | فيديو
تحدث الفنان محيي إسماعيل عن العديد من الجوانب الشخصية، وآرائه في السينما المصرية، بالفترة الحالية، وذلك على هامش فعاليات مهرجان الأقصر للسينما الإفريقية بدورته الحادية عشر.
وقال محيي لـ القاهرة 24: نفسي الإعلام يذيع مسلسلاتي الكتيرة ويذيع مسرحياتي الستة العظيمة، عايزهم يجتهدوا شوية، والجواز شيء عظيم، ولكن الفن عندي نمرة واحد، ومن خلاله بجني القرش، وحاليًا الجواز صعب جدًا مش بالنسبة لي، لكن بالنسبة لناس كتير جدًا.
وأضاف: هعمل حياتي كسيرة ذاتية على قناتي على يوتيوب الجديدة، أنا اللي بقعد أتكلم في الفيديوهات.
وأردف محيي إسماعيل: المرأة بقيت مسترجلة، لازم ترجع لطبيعتها اللي ربنا خلقها بيها، كتير دلوقتي بيتجوزوا ويرموا عيالهم ويهتموا السوشيال ميديا هو احنا كده؟ ليه امهاتنا كانوا عظماء لأنهم كانوا عقلهم معاهم دلوقتي بقوا مع السوشيال ميديا.
أما عن الهجوم الكبير الذي واجهته الفنانة منى زكي بسبب فيلمها الأخير منى زكي، علق محيي إسماعيل قائلًا: مع احترامي لمنى وأحمد حلمي، ولكن كل واحد مسئول عن اختياراته.
واستكمل محيي إسماعيل: جسدت كل العقد النفسية في أعمالي زي ما قال الأستاذ علي بدرخان في 17 فيلم تم إنتاجهم، ومبطلبش أجر مبالغ فيه وعلى حسب نوعية الفيلم، وممكن يكون قوي جدًا وماخدش فلوس عليه، وممكن يكون منتج غلبان وأساعده فمعنديش أجر ثابت.
