حسين فهمي: الفيلم السينمائي جماله إنك تطلع منه تتخانق
تحدث الفنان حسين فهمي، عن أفلامه المشاركة في الدورة الـ 11 لمهرجان الأقصر للسينما الإفريقية، الذي افتتح يوم الجمعة الماضية الموافق 4 مارس بحضور العديد من مشاهير الفن وصناع السينما في مصر وإفريقيا، وأيضا وزيرة الثقافة المصرية إيناس عبد الدايم.
وقال الفنان حسين فهمي، لـ القاهرة 24: في فيلم بيتعرض في مهرجان الأقصر للسينما الإفريقية اسمه الكاهن، بنتكلم فيه عن الفترة الحالية اللي بنمر بيها زي حروب الجيل الخامس، وإزاي في جماعات بتتحكم في العالم اقتصاديا، وعسكريا، وسياسيا.
وتابع الفنان حسين فهمي: في فيلم تاني اللي هو الملحد، فيلم مهم جدا بيتكلم عن ظاهرة الإلحاد اللي هي في العالم كله مش بس في مصر، ودي ظاهرة مهمة لازم نتكلم فيها.
أما عن تخوفه من انتقادات الجمهور التي يمكن أن تلاحق فيلم الملحد، فعلق قائلا: لازم يكون فيه انتقادات، ولازم يكون في نقاش، وناس ترفض، وناس تقبل، يعني الفيلم السينمائي جماله في إنك تطلع من الفيلم تتخانق مش هقول تتناقش، ونعمل فيلم تاني وتالت ورابع، هي دي السينما إنك تحرك دماغك يعني تفكر، مش إنك تطلع من الفيلم طب أنا اتفرجت عليه.
ندوة حسين فهمي على طريق الكباش
وفي سياق متصل، قال الفنان حسين فهمي، أثناء ندوته التي أقيمت على طريق الكباش، إن السينما المصرية تعكس الواقع المصري، مشيرًا إلى أنها أصبحت تمتلك إمكانيات ومعدات هائلة تخدم صناعتها في الفترة الأخيرة، مضيفا أن الموضوعات التي تتناولها السينما في الفترة الحالية مستهلكة وتحتاج أفكارًا جديدة وجريئة.
