هند صبري: عايزة أتجوز غيرت المفهوم السخيف عن تأخر الزواج.. والسوشيال ميديا غش
حلت الفنانة هند صبري ضيفة على برنامج “B my guest” والذي يقدمه الإعلامي بلال العربي على موقع يوتيوب، وتحدثت خلال الحلقة هند عن مسلسل البحث عن علا ورأيها في السوشيال ميديا وكيف تؤثر على الناس.
أبرز تصريحات هند صبري في برنامج B my guest مع الإعلامي بلال العربي
ـ الكوميديا هي أسرع طريق لقلب الجمهور.
ـ بعد عايزة اتجوز اختفت المصطلحات السخيفة عن تأخر الزواج.
ـ بستخبى ورا الضحك لما بيكون عندي مشكلة.
ـ وضعت كتير من تجاربي الشخصية في مسلسل البحث عن علا.
ـ مش قادرين لغاية دلوقتي نتقابل، عندنا صعوبة في الوطن العربي قبول الواقع زي ماهو.
ـ عندنا مشكلة أننا مش بنقبل أن احنا مختلفين.
ـ السوشيال ميديا عملت نوع من أنواع الوهم مش دي الحقيقة.
ـ الشارع رأيه مختلف هو النبض الحقيقي.
ـ السوشيال ميديا عملت غش في رأي العام.
ـ احنا كـ ممثلين مينفعش ناخد رأي الجمهور من السوشيال ميديا.
ـ كنت أتمنى ماكونش ممثلة عهد السوشيال ميديا.
ـ السوشيال ميديا ممكن تحطم البني آدم شوفت ده مع زمايل.
ـ أنا مش غيورة وعندي شويه حب التملك.
مسلسل البحث عن علا
عرض مسلسل البحث عن علا خلال الفترة الماضية على منصة نتفليكس، والعمل من بطولة هند صبري، هاني عادل، سوسن بدر، ياسمينا العبد، ندى موسى، محمود الليثي، وآخرون، والمسلسل من إخراج هادي الباجوري.
