الانتحار أهون.. كريم سرور يطالب الجميع بالدعاء له بالشفاء
كشف الفنان كريم سرور، تطورات حالته الصحية، حيث يعاني منذ أيام من ألم شديد في القولون، مطالبا الجميع بالدعاء له بالشفاء العاجل.
وكتب كريم سرور عبر حسابه الشخصي بموقع التواصل الاجتماعي فيس بوك: ياااااااااااااااااااااارب، ادعولي يا جماعة أرجوكم أنا حالتي بتسوء أوي.
وتحدث كريم سرور عن مرضه من قبل وقال في منشور عبر فيس بوك: أنا بعتبر ألم القولون العصبي هو أشد أنواع الألم اللي بمر بيهم في حياتي، حرفيا بعتبره تكفير ذنوب، مش لشدته أو لأنه بينتشر في الرقبة والضهر والكتفين والضلوع وبيزيد مع كل نفس وأقل حركة.
تطورات الحالة الصحية لـ كريم سرور
وتابع: لأ مش عشان كدة بس، عشان ملوش مسكن فعال ولحظي وعشان كمان بيستمر بالأيام، أقل نوبة ألم قولونية عصبية بتجيلي بتقعد من 4 لـ 5 أيام، وكدة يبقى وقت قليل جدا، لإنها أحيانا بتستمر حتى أسبوعين، ومرة قعدت حوالي 25 يوم ومع تغيير الطاقم الطبي، ونوع العلاج على مدار 14 سنة.
وأضاف: وكل ما أقول وصلت لحل نهائي من غير ما أستسلم للعقاقير المهدئة عصبيا، اللي أكيد اتكتبلي عشرات المرات كحل جذري، أتفاجئ في النهاية بنوبة قولونية حادة دون أي أسباب.
واستكمل: وصرخ بقى والطم يا كيكو على وشك من الألم لحد ما يبانلك صاحب، والله يا جماعة دون أدنى مبالغة ولا ليكم عليا حلفان، أحيانا بقعد بالساعات بحاول، بس أقوم اخش الحمام من شدة الألم مع كل حركة، دعواتكم بقى عشان الانتحار بقى أهون من الألم الحاد المستمر ده دون معرفة علاج، يارب.
