تامر محسن: لا يوجد منافذ شرعية للمواهب في الوقت الحالي.. وأتمنى تقديم الجزء الثاني والثالث من الدوم
كشف المخرج تامر محسن مشاركته في برنامج الدوم كـ لجنة تحكيم أول مرة، والمواهب التي قدمت في البرنامج سواء من فئة التمثيل والغناء والإذاعة.
قال تامر محسن في تصريح لـ القاهرة 24، إن مشاركته في برنامج الدوم كانت بناءً على طلب من المنتج محمد السعدي، طلب منه أن يشارك في البرنامج، وأيضا مشاركتي رغبة في دعم البرنامج.
وأضاف تامر محسن: دايما بشوف طول الوقت رسايل بتجيلي عايزين فرصة، في مواهب كتير في مصر مش عارفين المنفذ، أو الطريقة اللي ياخدوا بيها الفرصة دي.
وأوضح محسن: لازم يكون في على طول منافذ شرعية للمواهب، زمان كان في منافذ أكتر من كده بكتير كان في قصور الثقافة، وفي ممثلين كتير خرجوا من قصور الثقافة.
وأشار: فترة نشأتي وتكويني كان في 30 مسرحية قطاع خاص غير مسرحيات القطاع العام، كان في زخم أكتر، احنا دلوقتي محصورين في الـ 10 و15 مسلسل والـ 15 فيلم سينما، والبتالي الفرص قليلة بالنسبة للمواهب دي، لما يجي برنامج زي الدوم يعطي فرصة بالأخص في محافظات مصر، لأننا احنا في القاهرة محظوطين وهما بيشعروا أن إحنا محظوظين أكتر، الصناعة كلها في القاهرة.
وأستكمل حديثه: أتمنى برنامج الدوم يكمل الموسم الثاني والثالث والرابع لأن دول أهم بكتير، لو اكتشفنا 3 أو 4 ممثلين وزيهم مغنين إحنا اللي كسبانين.
برنامج الدوم
ووجه تامر محسن رسالة إلى المواهب التي خسرت في البرنامج: بقول لكل الشباب اللي خرجوا من التصفيات ده مش نهاية المطاف، لوحصل أن الجمهور حبك وحاس أن أنت اتظلمت كمل، محبة الجمهور هي أهم حاجة مش جايزة اللجنة، البرنامج بيعطي الفرصة الأولى يديهم عقود يتبناهم سنة وهو يكمل الطريق.
وأضاف: بفكر الشباب بـ محمد صلاح لما اترفض من الزمالك كانت ممكن تكون نهاية الدنيا بالنسبة له، لكنه كمل دي كانت وجهة نظر الزمالك، الجمهور هو أهم حاجة.
