بعد اعتزاله الفن.. شريف إدريس: مش قادر أصرف على عيالي وبقيت مديون لطوب الأرض
كشف الفنان شريف إدريس أنه يعاني كثيرًا، بسبب قلة مشاركته في أعمال فنية، مشيرًا إلى أنه أصبح لا يستطيع أن يصرف على أبنائه، وهو الأمر الذي تسبب له في ضيق شديد، جعله يقرر أن يعتزل الوسط الفني نهائيًا.
وكتب شريف إدريس منشورًا، عبر حسابه الشخصي بموقع التواصل الاجتماعي فيسبوك، قائلًا: أنا طول عمري راضي الحمد لله، بس حقيقي أنا وصلت لمرحلة اكتئاب وصلتني أني بقيت بنام أحلم بكابوس أني بقتل عيالي، وبقتل نفسي لأني وصلت لمرحلة نفسية ومادية، أني بقيت مش قادر أربيهم ولا أصرف عليهم، وأنا عندي 3 أطفال بعبدهم عبادة، متخيلين حجم المسؤولية، وبقيت مديون لطوب الأرض.
اعتزال شريف إدريس
وتابع شريف إدريس: حقيقي لو حد عنده فرصة سفر ليا هكون شاكر ليه جدًا، وهيكون جميل في رقبتي لحد ما أموت، لأن حقيقي أنا مش قادر أعيش في البلد دي تاني، أنا حاولت أسعى في أي مجال تاني بس ماقدرتش، وحقيقي لو اتعرض عليا بطولات بعد البوست ده هرفضها، لأن البوست ده هو نهاية علاقتي بالمجال اللي اتربيت فيه، ودرسته وعشت فيه كل تفاصيل حياتي، والحمد لله على كل شيء.
تصريحات شريف إدريس
وأضاف شريف إدريس: همسح أبلكيشن فيسبوك من تليفوني لأني هنزل أبيع تليفوني أصلا، فأنا هكون متاح أونلاين لحد بالليل، لو حد عنده فرصة شغل وسفر ليا، ومش معاه رقمي يا ريت يجيبه من أي حد.
واختتم شريف إدريس: ملحوظة بس أنا مش محتاج طبطبة من حد، أنا محتاج فرصة سفر وشغل، تخليني أعيّش ولادي حياة كريمة وبس، شكرًا ليكم محبتي للجميع، هاين عليا أقوم أرمي نفسي من البلكونة، بعد ما وصلت أني اكتب البوست ده.
