مش هسيب حقي.. مطرب يعلن مقاضاة أحمد سعد ويتهمه بسرقة أغنية النفسية
أعلن المطرب مصطفى الشرقاوي، أنه سيقاضي الفنان أحمد سعد بعدما اتهمه بسرقة أغنيته “النفسية”، والتي طرحها الأخير الفترة الماضية على موقع يوتيوب.
وكشف مصطفى الشرقاوي لـ القاهرة 24، تفاصيل الأزمة حيث قال: أنا عملت أغنية اسمها “نفسية” قدمتها من 5 سنين وصورتها ومكلف الأغنية وتعبت فيها، واتفاجئت لما روحت شركة مزيكا اتكلموا معايا بطريقة فيها استهزاء، وأنا عايز حقي، وربنا هيجيب حقي والناس هتساعدني في ده وشركة مزيكا أرجو ترجع حقي، حسبي الله ونعم الوكيل في اللي يجى على عرق زميل له"، حسب تعبيره.
وتابع مصطفى الشرقاوي: أنا كلمت نقابة الموسيقين والنقابة ماقصرتش وتواصلت مع شركة مزيكا وقالوا ليهم عايزين نحل الموضوع من غير خلافات وطالبوا أن أخذ حقي.
ومن جانبه قال منتج الأغنية عماد عبد الرحمن عن الأزمة،: “أنا هلجأ للقانون ونقابة الموسيقيين والمسؤولين على قناة مزيكا قالوا ليا هنحذف ليك الأغنية من على يوتيوب”.
وأختتم المنتج عماد: "أحمد سعد أخذ العمل كله كوبي من غير أي تعديل، حتى فريق العمل الخاصة بالأغنية اشتغل معاه في الأغنية.
وتقول كلمات أغنية النفسية كالتالي:" أنا مش مصدق إن أنا عايش ولسه ف عمري بقيه، أنا ضايع من نفسي وروحي ومفيش حواليا إلا جروحي، وادي ناس عماله تدوس قلبي وادي ناس عماله تدوس روحي، مخنوق م الدنيا وعمايلها، بتعذب واتهان وأحايلها وأتمرمغ بالحزن وساكت تحلو بتجري توحلها إيه دار بين أيامها وبيني بتموت فيا قصاد عيني بتقوي اللي ظلمني عليا ولا سابت حد يقويني النفسيه مش زعلان مش زعلان من جرح وقسوه ولا زعلان على ناس خدعوني".
