نيفين مندور: ماكنتش عايزة أشتغل مع محمد سعد وحسن حسني أقنعني بالعمل معه
تحدثت الفنانة نيفين مندور عن كواليس عملها مع الفنان محمد سعد بفيلم اللي بالي بالك عام 2003، واشتهرت باسم فيحاء وهو اسم شخصيتها خلال أحداث الفيلم.
وقالت نيفين مندور خلال لقائها التلفزيوني: قابلت أحد أقارب الفنان محمد سعد خلال تناولي العشاء في أحد الأماكن العامة، ولكن رفضت، لأن ساعتها كان ناجح في فيلم اللمبي، ومكنش الفيلم يلق باحترام جميع الجمهور، وعرض عليّ بطولة فيلم مع محمد سعد في فيلمه الجديد وقالي فيه حد هيكلمك، فطلبت منه يمشي من المكان ورفضت تاني.
وأضافت نيفين مندور: بعدها بيومين كلمني مدير إنتاج في شركة العدل وعرض عليّ الموضوع وقولتله إني مش مقتنعة ابدأ التمثيل في مصر ويبقى التمثيل برا وبيتبص على إن الممثلة بصة مش حلوة 95% من الممثلات وبيجي وقت بيتكلموا على الشخصية والملابس ومكنش عندي استعداد إن الناس بصة مش حلوة.
وتابعت نيفين: وطلب مني مدير الإنتاج إني أروح اتعرف عليهم حتى لو كنت رافضة، وكان قبل معاد المقابلة شوفت محمد سعد بالصدفة على طريق الصحراوي، وفكرت إني أروح أقوله إن أنا البنت إلى قابلها على الطريق وبس، ولما روحت الفنان حسن حسني هو اللي أقنعني بالعمل مع محمد سعد، ودخلت تصوير الفيلم بعد ما كانوا صوروا 30 % من مشاهد الفيلم كله.
واستكملت نيفين مندور: وروحت لمامتي استأذنها عشان تقنع بابا، وبابا وافق على طول، وماما كانت مستغربة من موافقة بابا على دخولي التمثيل.
