العرافة لـ حورية فرغلي: في حد عاملك سحر مسلط عليكي العالم الآخر موقف حالك
كشفت العرافة العديد من أسرار حياة الفنانة حورية فرغلي، موضحة أن هناك من يعمل على أذيتها طوال الوقت من خلال تسليط العالم الآخر لتعطيل حياتها.
وقالت العرافة، وهي شخصية تظهر في إحدى فقرات برنامج حبر سري، الذي حلت فيه الفنانة حورية فرغلي، ضيفة عبر شاشة قناة القاهرة والناس: في علاقة في حياتك حصل فيها مشاكل كتير جدا اتهدت بس هتتبني من جديد، في شاب والشاب ده انتي بسببه مش مبطلة تفكير ومش عارفة توصلي لقرار.
وتابعت العرافة قائلة: في شخص قريب منك من زمان علاقتك بيه متوترة شوية، هو عاملك تسليط، الحاجات اللي بتشوفيها دي متسلطة عليكي، شبه معمولك سحر، هما موقفين حالك.
لترد عليها الفنانة حورية فرغلي مؤكدة ما تقوله العرافة: أنا فعلا بشوف بنت وولد من العالم الآخر وبيهزروا معايا كتير، دايما بشوف البنت قاعدة على السفرة وشعرها زي شعري، والولد بيكون لابس شورت وفنلة، بس هما طيبين.. ساعات كنت بحس أن حد بيتنفس بصوت عالي كذا يوم ورا بعض، بفتح الشباك لقيت بومتين مش عارفة ايه اللي جابهم.
وأضافت العرافة: في معاناة على المدى القريب وفي مشاكل هتحصل وفي تعطيل لأشخاص انتي بتحبيهم في حياتك وتعطيل في الشغل كمان.. في واحدة كبيرة في السن تبان هادية ورزينة لكن هي سبب كل الخراب اللي في حياتك.
واستكملت العرافة مطمئة الفنانة حورية فرغلي: في واحد قاعد مستنيكي وبيحبك وفي نصرة ليكي وعدالة، أنتي في حالة انتصار طول الوقت، وأنتي السبب في تطويل الوقت عاملة بينك وبين اللي عايزاه مانع.. أنتي عندك عقيدة عن الحب مبتغيريهاش ولكن لازم تغيريها.
