حورية فرغلي: اتعملي سحر بعد ساحرة الجنوب للمرض ووقف الزواج والرزق
قالت الفنانة حورية فرغلي، إنها عانت بسبب المرض بعد مسلسها الأشهر ساحرة الجنوب، الذي عرض جزؤه الأول في عام 2015، والثاني في عام 2016، وحقق نجاحا باهرا وقت عرضه.
وكشفت حورية التفاصيل خلال حلقتها في برنامج حبر سري المذاع عبر شاشة قناة القاهرة والناس: أنا اتعملي عمل ولقيته وقرأته، أنا بعد ساحرة الجنوب كنت على طول عيانة، خسيت بقيت 45 كيلو وأنا طولي 175، ومكنتش باكل خالص..
وتابعت حورية فرغلي قائلة: جت صاحبتي قالتلي تعالي ننزل نقعد في الصالون نزلت ولقيت جمب الزرع حاجة مثلثة ومربوطة بلزق، فتحتها وكان مكتوب حورية بنت نادية تصاب بالمرض وتصبح طريحة الفراش، ويوقف جوازها وخلفتها ورزقها.
وأضافت: قولت طب ما أموت أحسن، طبعا ناس جابتلي ناس كتير وقالوا لي إنه خلاص اتفك، وأنا فعلا بعد فترة وبالقرآن أنا خفيت لوحدي وبقيت كويسة.
وفي ذات السياق، قالت العرافة، وهي شخصية تظهر في إحدى فقرات برنامج حبر سري، للفنانة حورية فرغلي: في شخص قريب منك من زمان علاقتك بيه متوترة شوية، هو عاملك تسليط، الحاجات اللي بتشوفيها دي متسلطة عليكي، شبه معمولك سحر، هما موقفين حالك.
وأضافت العرافة: فيه معاناة على المدى القريب وفي مشاكل هتحصل وفي تعطيل لأشخاص انتي بتحبيهم في حياتك وتعطيل في الشغل كمان.. في واحدة كبيرة في السن تبان هادية ورزينة لكن هي سبب كل الخراب اللي في حياتك.
