سعد الصغير: ماينفعش تقيموا حمو بيكا كمطرب.. وسيبوه ياكل عيش
رد الفنان سعد الصغير، عن فكرة تدريب مؤدي المهرجانات الشعبية حمو بيكا وتعليمه أساسيات الطرب لاجتيازه اختبارات نقابة المهن الموسيقية وحصوله على كارنيه رسمي من النقابة.
وقال الصغير خلال لقائه مع القاهرة 24: أنا أشيل حمو بيكا على دماغي، أنا ضد إنه يتوقف عشان غلبان، حمو بيكا مينفعش تقيموه إنه مطرب، سيبوه ياكل عيش وهو غلبان وشكلنا.
أعمال سعد الصغير
وفي سياق مختلف، يقدم سعد الصغير، تجربة جديدة في البرامج التليفزيونية، من خلال برنامج يحمل اسم سعد مولعها نار،ا لذي يعرض يومي الخميس والجمعة من كل أسبوع، على شاشة قناة الشمس.
ويتضمن البرنامج فقرات غنائية للمطرب الشعبي، وضيوفه من الفنانين والفنانات والمواهب الغنائية الصاعدة، ويتضمن كذلك فقرات اجتماعية متميزة.
حقيقة اعتزال سعد الصغير
وعلى جانب آخر، تحدث سعد الصغير مؤخرًا، عن موقفه من اعتزال الفن خلال الفترة المقبلة، خلال لقائه مع Et بالعربي، إنه إذا اعتزل الفن سيعتبر هذا من رضى الله عليه.
وتابع: بعد ما قدمت البرنامج حسيت إني مش عايز أعمل حاجة في الدنيا غير البرنامج ده بس، بحب فقرة الخير أكتر من الغناء لأن بحس تعليقات الخير أفضل..الحمد الله إن البرنامج مش فضايح، بتمنى بعد البرنامج أعتزل الغناء، أول ما تلاقيني بطلت غنا اعرف إن ربنا رضي عليا، وما دام ما اعتزلتش لحد دلوقت يبقي ربنا أكيد مش راضي عليا.
