تأثرت نفسيًا بسبب الاختيار.. أبرز تصريحات كريم محمود عبد العزيز في صاحبة السعادة
حل الفنان كريم محمود عبد العزيز، ضيفا على الإعلامية إسعاد يونس، ببرنامجها صاحبة السعادة، المذاع عبر قناة دي ام سي، وتحدث خلال الحلقة عن بداياته في التمثيل، وعلاقته بوالده الراحل محمود عبد العزيز، وموقف الأخير من دخول ابنه عالم الفن.
ويستعرض القاهرة 24، أبرز تصريحات كريم محمود عبدالعزيز، مع صاجبة السعادة الفنانة والإعلامية إسعاد يونس.
أبرز تصريحات كريم محمود عبد العزيز:
- كواليس أعمال محمود عبد العزيز فيها هيبة ولما بيلبس لبس الشخصية بيبقى مش هو.
- أول مشهد في أول عمل ليا كان مع دلال عبد العزيز، وهي نجمة كبيرة، وقالتلي اهدى وهنعيد وعادي.
- مكنتش بحب مسلسل شجر الأحلام واقتنعت بسببه إني ممثل بشع.
- محمود عبد العزيز كان عايزني أعتذر عن مسلسل رجل في زمن العولمة، لأني كنت في الثانوية العامة وأنا كنت شايفه فرصة ماتتفوتش.
- بعد عرض أول حلقة من مسلسل رجل في زمن العولمة، أبويا قالي برافوا أنت بدايتك أحسن من بدايتي.
- تصوير فيلم من أجل زيكو شهد مواقف مضحكة؛ خصوصا إن تصوير الفيلم كان متعب؛ لأن الحضور للتصوير كان الساعة 4 الفجر.
- محمد محمود كان بياخد منوم؛ عشان يعرف ينام، وكنا بنصور المشهد ونام أثناء تصويره.
- كنت طالب مجتهد لحد الصف الخامس الابتدائي بعد كده باظت مني.
- والدي كان يرفض دخولي عالم الفن.
- أنا بعتز بدوري في مسلسل الاختيار جدا، والعمل ده جعلني أبكي كتير وتأثرت نفسيا.
- أنا اتحطيت في الكوميدي وكنت عايز أعمل أدوار مختلفة، زي واحد عنده مرض نفسي أو تعبان.
- المخرج بيتر ميمي عرف يقرأ أدواتي بشكل كويس، ومكنتش مصدق إن فيه مخرج شافني في حتة غير الكوميدي.
- والدي تمنى إني أكون طبيب أو شخص أكاديمي، ولكن كانت أمنيتي التمثيل، وفكرت في المحاماة.
- لما خلفت فهمت قلق أبويا عليا، لما كنت مش برد على موبايلي وهو بيزعق لي، وفهمت معنى المسئولية والزواج.
- والدي كان شايفني مستعجل في الزواج، وقال لي إنه مسئولية، وأنا بحب البيت جدا وبلعب مع بناتي وبنعمل تيك توك؛ لأني عايز أفضل في السن دا ومكبرش.
