هند صبري تحضن متسابقة بالدوم.. وتوجه لها نصيحة: الأحاسيس يا تسوقنا يا نسوقها
حرصت الفنانة هند صبري على دعم المتسابقة آية زيد بـ برنامج الدوم ، وذلك بعد نسيانها للنص أثناء تقديمها لمشهد تمثيلي، كما وجهت لها نصيحة قوية، حيث حضنتها على المسرح، وذلك في أولى حلقات مرحلة النصف نهائيات.
وقالت هند صبري لـ آية: أنا عارفة أن الإنسان ساعات بيتوتر لدرجة الكلام بيروح منك، ودا طبيعي كلنا بيحصلنا كدا، بس فيه توتر سلبي وتوتر إيجابي وإحنا كتلة أحاسيس يا نسوقها يا تسوقنا ومينفعش تسوقنا وأنا حضتنك لأن أحاسيسي لحد دلوقتي بتسوقني.
وواصلت: وأهدي فيه تمارين وهتكوني أحسن وأحسن وأنتي أمورة ومريحة وطاقتك حلوة وناعمة، ودي حاجة أحنا محتاجينها وأنتي هتوصلي في حتة حلوة جدا.
كما علقت المطربة أنغام، قائلة: أنتي بتحبي التمثيل واللي بتعمليه والنهاردة مكنش أحلى أيامك ومحصلش حاجة، أرتجلي لو خوفتي ومتوقفيش الإيقاع ومحدش هيعرف ومتخافيش كلنا بيحصلنا كدا وبننسى الكلام وكوني قوية وأطلعي واخدة قرار أنا هكون كويسة بالرغم أي حاجة.
برنامج الدوم لاكتشاف المواهب
يذكر أن، برنامج تطلقه الشركة المتحدة للخدمات الإعلامية، ومن إنتاج شركة ميديا هب سعدي – جوهر، ويضم برنامج الدوم 3 مراحل مختلفة، وهم مرحلة الدقيقة الواحدة والتي يحاول فيها المتسابق الحصول على إعجاب لجنة التحكيم في دقيقة واحدة، بجانب مرحلة المفتاح الذهبي أو الأداء الكامل أو كما تسمى مرحلة الفرصة، ويتأهل فيها المتسابقين عن طريق رأي لجنة التحكيم أو الحصول على المفتاح الذهبي، وبالنهاية مرحلة النصف نهائيات والتي يصل لها عدد قليل من المتسابقين.
