كنت خايفة من أمير كرارة.. أبرز تصريحات عائشة بن أحمد في سهرانين
فن
عائشة بن أحمد
حلت الفنان التونسية عائشة بن أحمد، والفنان محمد ثروت، ضيفين على برنامج سهرانين الذي يقدمه الفنان أمير كرارة، عبر شاشة قناة ON، وتحدثا خلال الحلقة عن حياتهم الشخصية وكواليس أعمالهم.
أبرز تصريحات الفنانة عائشة بن أحمد في برنامج سهرانين
وجاءت أبرز تصريحات الفنانة عائشة بن أحمد، كالتالي:
- أول 3 سنين جيت مصر كنت بتريق على نفسي في اللهجة المصرية، والمصري بتاعي كان ضايع ودلوقتي بقى أحسن.
- في أول تجربة لي في مصر مكنتش عارفة حد، واللهجة كانت واخدة من أدائي وتركيزي في التمثيل.
- كنت خايفة ومخضوضة من أمير كرارة، في مسلسل ألف ليلة وليلة، وكنت أول مرة أشوفه، وكان طويل وشعره طويل بسبب الشخصية.
- كنت بحب اتفرج على أفلام الفنان الكبير عادل إمام أثناء فترة الطفولة.
- وأنا صغيرة لو مكنتش أنام بدري الساعة 8 بالليل، كنت بفضل أعيط جامد، وبحس أن فيه كارثة هتحصل، وإني مش إنسانة طبيعية لو منمتش بدري.
- لغاية دلوقتي أنا بنام بدري، وبسهر لما يكون فيه شغل أو خروجة، وبحس أني لو مصحتش بدري إن اليوم ضاع ومعملتش فيه أي حاجة، ومش عايشة يومي كويس.
- لو نمت متأخر يومي بيتلغبط، وبكون متعصبة ومش طايقة نفسي، ولا اللي حواليا ومزاجي وحش، وبحتاج أنام على الأقل 8 ساعات.
- مشوفتش نفسي ممثلة، لكن في طفولتي عندما كنت اتشاجر مع أشقائي كانوا بيقولوا لوالدتي إني بمثل، وتحقق في النهاية.
- كنت بحب لعب الأولاد جدا، لأنني تربيت مع أخواتي الولاد ومعنديش أخت بنت.
- كنت عايزة أدرس الطب البيطري لاهتمامي بالحيوانات، والآن عندي الكثير من الحيوانات في مصر وتونس أخدتهم من الشارع، وعندي 3 قطط، كعبول ولهلوبة وزتون.
