السيسي لسيدة بمصر القديمة: أنا مش بسألكم عن الأسعار علشان تقولولي زي الفل
التقى الرئيس عبد الفتاح السيسي، خلال جولته التفقدية اليوم، بمنطقة مصر القديمة والقاهرة التاريخية، بعدد من المواطنين تصادف وجودهم بالمنطقة.
وتساءل الرئيس السيسي، عن سبب أسعار السلع، لترد إحدى السيدات: الأسعار زي الفل، ليقطع الرئيس حديثها: أنا مش بسألكم علشان تقولولي الأسعار زي الفل، لترد السيدة: أنا لسة بشتري من المنطقة القديمة، واحنا لسه محدش فينا بيشتري من المنطقة الجديدة.
وتابع السيسي: طمنوني عن أسعار الأكل والشرب عاملة إيه، والعيشة عندكم عاملة إيه، لترد السيدة: كلنا كويسين واحنا كنا في منطقة سور العيون، ودلوقتى اتنقلنا لمنطقة الإسكان الجديد.
ليتابع الرئيس السيسي: طيب العيش عامل إيه، والتموين الأسعار فيه عاملة إيه، ويوجه لها الرئيس سؤالا آخر: زوجك شغال إيه.
لترد السيدة: إحنا كويسين يا ريس بوجودك، والسعر ثابت في التموين، والعيش بشلن، متابعة: زوجى شغال مبيض محارة في العاصمة الإدراية.
وأردف السيسي: أنتم أولادي وعايز أعمل كل شئ طيب ليكم.
السيسي يجري جولة في منطقة مصر القديمة
وكان الرئيس عبد الفتاح السيسي، أجرى جولة تفقدية بعد ظهر اليوم الجمعة، في منطقة مصر القديمة والقاهرة التاريخية، لمتابعة سير العمل بعدد من المشروعات القومية.
وحرص الرئيس، على التوقف لتبادل الحديث مع المواطنيين والأسر التي تصادف وجودهم أثناء مروره، حيث هنأهم بمناسبة قرب حلول شهر رمضان المعظم، كما استفسر عن أحوالهم المعيشية، واستمع إلى مطالبهم.
