هند صبري: لما بنعمل حوارات تلفزيونية بنكون خايفين نتكلم.. ونفسي أقدم برامج تاني
كشفت الفنانة هند صبري عن رغبتها بتقديم البرامج التلفزيونية مرة أخرى، بجانب الحديث عن تجربتها بتقديم برنامج الشقة، مشيرة إلى أنه ساعدها بالتعرف على زملائها أكثر.
وقالت هند صبري خلال ثاني حلقات مرحلة النصف نهائيات في برنامج الدوم: "أنا قدمت برنامج الشقة بس كـ ممثلة وأنا دخلت التجربة وأنا عارفة عايزة أطلع منها بأيه، وأحنا كـ فنانين لما بنروح برامج بنكون مش أحنا وفيه تصنع وبنكون خايفين نتكلم، ومن هنا جت فكرة أن النجم مش بيشوفني ولا بيشوف الكاميرات".
وواصلت: “كنت عايزة أشيل الحاجز بين النجوم والجمهور وقلبت بـ فضفضة وشوفنا حاجات حلوة وكل الضيوف طلعوا حاجات مختلفة وخرجوا مبسوطين وكانوا مش حاسين بـ إبتزاز بالعكس، واستفدت حاجات كتير وعرفت زملائي أو عرفت الناس عليهم زي ما أنا أعرفهم ونفسي أقدم برامج تاني”.
برنامج الدوم لاكتشاف المواهب
يذكر أن، برنامج الدوم تطلقه الشركة المتحدة للخدمات الإعلامية، ومن إنتاج شركة ميديا هب سعدي – جوهر، ويضم برنامج الدوم 3 مراحل مختلفة.
وشهد العديد من الأحداث مثل بكاء الفنانين، وبكاء لجنة التحكيم وأبرزهم هند صبري والتي بكت بسبب مشهد تمثيلي عن الشهداء للمتسابق عبد الله عبد الغني.
كما دخلت الفنانة ليلى علوي في نوبة من البكاء بالمرحلة الثانية من برنامج الدوم، حيث قدم متسابقو التمثيل مشهدًا عن مرضى السرطان وتأثرت ليلى علوي بشدة بسببه.
