يسري نصر الله عن مشهد لأحد المتسابقين بالدوم: واجهت الموقف دا.. وبيلمس ناس كتير بتعافر عشان حلمها
أبهر المتسابق محمد فريد في فئة التمثيل لجنة التحكيم بـ برنامج الدوم حيث قدم مشهدًا من كتابته يحمل اسم كاستنج أو تجارب الأداء، والذي يسلط الضوء على معاناة الشباب في العثور على فرصة لتحقيق حلمهم.
وقال المخرج يسري نصر الله خلال ثاني حلقات مرحلة النصف نهائيات: أنا واجهت مواقف من دي كتير في حياتي أني أتعامل مع ممثل في كاستنج بس عمري ما اتعاملت معاهم وحش.
وأضاف نصر الله: الإحساس اللي أنت بتحكيه دا أشمل من مجرد ممثل، ودا بيلمس ناس كتير بتحاول تلاقي فرصة في أي مجال وبتلاقي عدم تقدير للموهبة.. وأنت ممثل موهوب.
هند صبري: اللي بيحب مهنة التمثيل بتتعبه
كما علقت الفنانة هند صبري على أداء محمد فريد واختياره للمشهد، قائلة: المشهد قاسي ومؤثر وبيعبر عن ناس كتير بتعافر ورا حلمها، كان نفسي تبقى نظرتك فيها تفاؤل أكتر وأنا أتأثرت جدا، وحسيت أن المهنة دي اللي يحبها أوي بتتعبه أوي، وعندك شغف لمهنتك ودي حاجة ملهمة أننا نتفرج على ممثلين كتبوا مشاهدهم.
وأشادت المطربة أنغام بموهبة محمد، قائلة: أنت لسه متأثر لحد آخر لحظة دا معناه أن أنت فنان وبتحب اللي بتعمله وهتكون من الممثلين اللي بيتحسنوا مع الوقت وهتصلح حاجات وهتشوف نفسك كويس؛ لأنك من الناس اللي بتحب شغلتها وعندك شغف الفنان وأنا سعيدة بـ إحساسك وموهبتك.
