أنت قمر وسحرتني يا خطير.. أنغام تتغزل بالمتسابق محمد مانو بعد تقديمه أغنية سحب رمشه بالدوم
تغزلت الفنانة أنغام بالمتسابق محمد مانو، بعدما قدم أغنية سحب رمشه لـ محمد قنديل، وسط تصفيق حاد من لجنة التحكيم والجمهور، وذلك في ثاني حلقات النصف نهائيات في برنامج الدوم.
وقالت أنغام لـ محمد مانو: بيهددوني وبيقولوا عيلتك كلها موجودة وأنا حبيتك من غير تهديد، وإيه العسل دا؟ أنا بقالي كتير أنت سحرتني وبتخر عسل وفهمك للحن كبير، فاهم اللحن إزاي كدا؟
وواصلت أنغام: أنت سكر زيادة وتجنن أنا أصلا بحب اللحن دا وصوتك زي القمر وأنت قمر وبمسك الخشب أهو، وبعد كدا اختار ألحان بالحلاوة دي وعندك جمال في صوتك أوعى تستخسره في الناس وتغني حاجات أقل من إمكانياتك.
وعلقت الفنانة هند صبري على أداء مانو، قائلة: دا أحلى مفتاح ذهبي في الدنيا والجمهور بيفهم، وكان لازم ترجع ومكنش المفروض تروح في حتة غير المسرح، وفيه متعة وأنت بتغني وإحنا مبسوطين من كتر ما أنت مستمتع باللحن، لـ يرد المخرج يسري نصر الله: أنا متضايق جدا إزاي الجمهور يطلع معاه حق للدرجة دي.
برنامج الدوم لاكتشاف المواهب
يذكر أن برنامج تطلقه الشركة المتحدة للخدمات الإعلامية، ومن إنتاج شركة ميديا هب سعدي – جوهر، ويضم برنامج الدوم 3 مراحل مختلفة، وهم مرحلة الدقيقة الواحدة بالإضافة إلى مرحلة المفتاح الذهبي أو الأداء الكامل أو كما تسمى مرحلة الفرصة، ويتأهل فيها المتسابقين عن طريق رأي لجنة التحكيم أو الحصول على المفتاح الذهبي من تصويت الجمهور.
