استشاري الأسنان محمد عماد يوضح الفرق بين ابتسامة عادل إمام ونجلاء فتحي
أوضح الدكتور محمد عماد، استشاري طب الأسنان بمستشفى قصر العيني، الفرق بين الابتسامة العريضة والصغيرة، وذلك خلال فيديو نشره عبر صفحته الرسمية على فيسبوك.
الفرق بين الابتسامة العريضة والصغيرة
وقال الاستشاري خلال الفيديو: في ناس بتبقى فاكرة إن الابتسامة العريضة أو الفم الكبير بتبقى عيب، بس هي مش عيب، وأكبر مثال حي على تلك الابتسامة العريضة الفنان عادل إمام.
وأضاف استشاري طب الأسنان: عادل إمام لما يبتسم تحس إنه بيضحك والدنيا كلها حواليه بتضحك، لأن سنانه كلها بتبان.
تصميم شكل الابتسامة الواضحة
وتابع استشاري طب الأسنان بالقصر العيني: المشكلة في تصميم الابتسامة للي عندهم ابتسامة واضحة، إننا بنحاول نخلي الأسنان شوية أعرض من الطبيعي، لأن لما عرض الأسنان بيزيد، مع الابتسامة الواضحة، مش بيبان وانت بتبتسم إن عدد أسنانك كتير.
الابتسامة الصغيرة وعدد الأسنان
وأكمل الدكتور محمد عماد، خلال حلقة جديدة من الموسم الثاني من برنامجه The Maestro Dental Show: عكس بقى الابتسامة الواضحة، الابتسامة الصغيرة، زي ابتسامة الفنانة نجلاء فتحي اللي لما بتبتسم، الدنيا كلها برضو بتبتسم حواليها، ولكن عدد الأسنان اللي بتبان بيبقى أقل، إحنا في الحالة السابقة، بنحاول نصغر حجم الأسنان شوية، ونصغر عرضها شوية، فيبان إن الابتسامة مش مزعجة ومريحة للعين.
