كارمن سليمان: رفضت العيش خارج مصر.. وأصبحت أستمع للمهرجانات
حلت المطربة كارمن سليمان ضيفة في برنامج B my guest الذي يقدمه الإعلامي بلال العربي على موقع يوتيوب، وتحدثت كارمن عن مشوارها الغنائي وتجربتها في التمثيل على المسرح.
نعرض لكم في هذا التقرير أبرز تصريحات هند صبري في برنامج B my guest
ـ بقالي 9 سنين بجرب وأحاول ومكنش عندي مانع أخد الريسك.
ـ أنا شخصية ملولة جدًا وبحب التغير.
ـ واحدة تنمرت عليا وقالتلي كنتي زمان بتلبسي إزاي.
ـ مفيش حد وهو صغير معندوش صور فضيحة.
ـ ذوقي في المزيكا مش هادي أبدا وبحب أسمع هندي وتركي.
ـ أنا نرفوزة طول عمري باخد كل حاجة على أعصابي.
ـ ابني زين عنيد وأنا مصطفى زوجي شبه بعض في التربية.
ـ ساعات بقفل عليا الأوضة وأقعد لوحدي.
ـ مليش صحاب كتير في الوسط وبضايق ساعات من ردود أفعالي.
ـ أنا مؤدية بس بلتزم بشغلي.
ـ لما بطلع لايف بيكون في كلام مش لطيف وساعات برد عليهم.
ـ مبسوطة بكل مراحلة مريت بيها ومش بكلم حد من arab idol غير دنيا بطمة.
ـ مكنتش بحب أسمع مهرجانات لكن دلوقتي بسمع.
ـ بحب ويجز جدا وطريقة كتابته.
ـ فخورة ببلادي وكل حاجة بتحصل فيها.
ـ عرضوا عليا أعيش بره مصر لكن رفضت عشان هكون مش مبسوطة.
ـ نفسي أعمل أغنية لمصر تكون منسوبة ليا.
ـ بحب أغنية بلادي لشيرين عبد الوهاب.
ـ أتدربت كتير على مسرحية ياما في الجراب يا حاوي.
ـ ياما في الجراب يا حاوي فادتني في الصوت والأداء وبشكل عام حابه فكرة التمثيل.
ـ بحب أسمع أغاني خليجي وبسمع لـ بدر الشعيبي ورحمة رياض وعبد المجيد عبد الله.
ـ مبسوطة أني دلوقتي عندي إقامة في دبي.
ـ أحب أقول لنفسي خليكِ هادية أنتِ بتعملي اللي عليكِ.
