هشام المليجي بعد زيارته لعيادة نفسية: المريض ممكن يخدع الطبيب
قال الفنان هشام المليجي، أنه دائما ما يقدم النصائح لمن حوله، وأنه لم يذهب لطبيب نفسي بسبب معاناته من الإكتئاب كما أشيع خلال الفترة الماضية.
وأضاف الفنان هشام المليجي، في تصريحات تلفزيونية: روحت مرة لطبيب نفسي، حد من صحابي قالي روح وشوف بس وأعرف وأتكلم، ولكن المريض ممكن يخدع الطبيب النفسي ويتوهه لأنه مريض نفسي، إحنا جزر منعزلة كل واحد عايش في دنيته، بينسج لغته على كيفه، أنا ممكن أجي أحكي موضوع ويكون هو أصلا حاجة تانية، وهزود من عندي حاجات تانية.
وعلق المليجي، على صراحته، التي أعرب عنها متابعوه عبر حسابه الشخصي بموقع فيس بوك: معنديش حاجة أخجل منها، الموضوع جرأة وربنا يسترنا جميعا، أنا إنسان عادي، يعني كلنا بنعمل نفس الحاجات، طول ما إنبوكسك سليم أنت في السليم، بحب أهزر على الفيس بوك بلاش كأبة، كمان في ناس بتكون محتاجة توضيح، بس بحب أهزر، طبعا مضطرين عشان في حالات وفيات كتير، بس خلينا ننبسط.
كما تحدث عن عدم مشاركته في أي عمل خلال الفترة الماضية: الدور بينادي صاحبه ومن أول ما احترفت التمثيل وعارف أن أوقات مش هيبقى فيه شغل وحياتي رحلة طويلة وأنا مبسوط بيها وفخور بيها وراضي جدًا.
وأكل حديثه قائلا: أنا محظوظ كـ ممثل لأني بدأت مع عمر الشريف ويسرا وكنت لسه مخلص معهد، وقابلت ناس فنانين كتير في مجالي مكنش عندهم الحظ دا، وشوفت محمد رضا وهو بيشتغل لأني حضرت التصوير والناس كانت بتكلمني لما بغيب وحسيت بحبهم ليا.
