ميدو يهاجم كلوب: خايف من مدرب السنغال.. وتأثرت من هجومه عليك
هاجم أحمد حسام ميدو، نجم الكرة المصرية السابق، الألماني يورجن كلوب المدير الفني لفريق ليفربول، بعد تصريحاته عن عدم الدفع بالسنغالي ساديو ماني في مباراة نوتنجهام بكأس الاتحاد الإنجليزي، أسوة بنجمنا المصري محمد صلاح، مشددًا على أن كلوب خاف من أليو سيسيه مدرب السنغال.
وقال ميدو في تصريحات تليفزيونية: عمري ما شوفت مدرب بيقول كدة في الدنيا، من المفترض أن يورجن كلوب مدرب ليفربول مصلحته فقط تكمن في مصلحة ليفربول، ولكن من المفترض ألا ينظر لمصلحة ماني أو صلاح.
وأضاف ميدو: مباراة مصر والسنغال ملهاش علاقة بليفربول، ورسالتي لكلوب: أنت كده اتأثرت بالهجوم اللي كان عليك من أليو سيسيه مدرب السنغال قبل كأس الأمم الإفريقية بالكاميرون.
وأردف بـ: غياب ماني عن مباراة نوتنجهام رغم جاهزيته وتصريحاته بعد المباراة عن وجود عدل بين صلاح وماني، دي مش قصتك مصلحة فريقك ليفربول بس هي اللي تهمك، وليس مصلحة أي لاعب، وأنت خفت من أليو سيسيه.
ميدو يفتح النار على يورجن كلوب
وواصل ميدو: كلوب دفع بمحمد صلاح في مباراة أرسنال، رغم إن صلاح مكانش جاهز بنسبة 100% ليه مخوفتش على مصلحة اللاعب.
وأكمل: المفروض يا كلوب إنك راجل ألماني عملي، ويهمك مصلحة ليفربول بس، أنت مدرب كورة ملكش دعوة بمباراة مصر والسنغال، انت مش ربنا عشان تحقق العدل، انت خفت من رد فعل أليو سيسيه.
واختتم نجم الكرة المصرية السابق: كلوب خاف من أليو سيسيه مدرب السنغال، والمدرب بيتكلم في السياسة وهل مفيش أندية في إنجلترا على علاقة وطيدة بإسرائيل، ليه عمرك ما عاتبت الأندية دي زي ما عاتبت الأندية اللي بتتعاون مع روسيا، وانت وجهت كلام في السياسة عشان تخدم الإعلام الغربي ده مش مظبوط.
