خالد الجندي: الأزمات الحالية لا تخص مصر وحدها.. وكنا زمان بنقف طابور عشان فرخة
أكد الشيخ خالد الجندي عضو المجلس الأعلى للشئون الإسلامية، أن العالم كله يمر بأزمة عالمية وهي أزمة الغذاء وموارد الطاقة والحياة بشكل عام، إضافة إلى الازدحام وتدني التعليم مستويات التعليم والتلوث البيئي بسبب الصراعات الدولية.
وقال خالد الجندي في برنامج ليطمئن قلبي الذي يذاع على أسير موجات راديو النيل ميجا أف إم: تعرض الفتن علي قلب المسلم كما يعرض الحصير عود من بعد عود، فكذلك الفتنة بعد الفتنة والمشكلة تلو المشكلة، خرجنا من أزمة كورونا إلي الأزمات السياسية والحروب التي تجتاح العالم بأسره، فهذه أزمات عالمية لا تخص مصر وحدها، بل العالم كله يرزح تحت نير الأسعار وغلاء المعيشة.
مصر تتمتع بما لا يتمتع به العالم
وأضاف: “ الحقيقة نحن نتمتع بما لا يتمتع به العالم، كما نتمتع بطاقة إيمانية تجعلنا في حالة تضامن وحالة صمود في وسط هذه الازمات، بمعني أن هذه الأزمات تحدث مع غيرنا ويضيعون فيها وتنهار قواهم، بينما نحن ندرك أن هذه الازمات ستحدث قبل أن تحدث، ”الكلام ده شوفته بعنيا، شوفت يعني أي متر القماش يبقي في بطاقة التموين، شوفت بعنيا إن الصابونة بتتصرف مع التموين، يمكن الجيل ده ميعرفش الحاجات دي، لكن أنا والله العظيم شوفت الحاجات دي بعنيا بسبب اللي كان بيحصل في مصرنا الحبيبة أيام الله لا يعيدها هذه الأيام".
كنا بنقف 3 ساعات عشان ناخد فرخة
وتابع خالد الجندي: عايز أقولك أن كل حاجة بحساب، معلقة الرز بحساب الفراخ لما تنزل الجمعية الاستهلاكية كنا بنقف طابور3 ساعات عشان تاخد فرخة متخيل حضرتك، فانا عايز أقول لحضرتك الأمور كانت في منتهي الصعوبة وشوفنا أيام صعبة، ولكن الشعوب كانت بتعوض ده بالتضامن الاجتماعي والتكاتف، كان فيه حاجة اسمها الطبق الدوار اللي كان عمال يدور من شقة لشقة، كل شقة بتغرف للشقة اللي جمبيها من الطعام اللي بياكلوه، قبل عصر السوشيال ميديا والنت والحاجات اللي هلت علينا دي.
