مبروك عطية مهاجمًا الشامتين في محمد الأمين: احكموا أنتوا ونروح القاضي
علّق الدكتور مبروك عطية، عميد كلية الدراسات الإسلامية الأسبق بجامعة الأزهر الشريف، على قضية رجل الأعمال محمد الأمين، المتهم فيها بهتك عرض فتيات داخل دار الأيتام، الذي يمتلكه في محافظة بني سويف.
مبروك عطية: أنا مش عبيط علشان أقول رأيي في قضية القضاء لسة محكمش فيها
وقال عطية من خلال بث مباشر عبر صفحته الرسمية على موقع التواصل الاجتماعي فيسبوك: أنا مش داخل أقول رأيي في القضية اللي بتنظر أمام القضاء.. هو أنا عبيط أو مهفوف، علشان أقول رأيي في قضية القضاء لسه مقالش رأيه فيها.
وأضاف الأستاذ بجامعة الأزهر: اللي عايز أقوله ما دام القضية قدام القاضي يبقى هص.. إيه ثقافتكم.. هقولكم على شوية تعليقات اللي خلتني ادخل.. اللي يعلق ويقول محامي عقر وواحد تاني يقول كله بالفلوس وواحد اديله ادي.. وواحد يقول يعملها.. ما تحكم أنت ونروح القاضي!.
وأردف مبروك عطية: رافعين القضية للقاضي ليه؟ علشان يحكم.. متى رفعت القضية للقاضي، وجب على المسلمين المتحضرين أن ينتظروا حكم القضاء.. نفس الموضوع لما يكون عندي هواء وأخلص، وألاقي يتعليقات على كلامي.. لو انتظرت تبقى بقيت راقي والرقي من سمات المسلمين.
واختتم عطية: إذا رفع الأمر للقضاء، صار الصمت واجبًا حتى يصدر حكم القاضي.. نتعلم ديننا بقى.
