عمرو سمير عاطف مهاجمًا ويجز: لا مزيكا ولا صوت
شن المؤلف عمرو سمير عاطف، هجومًا على مطرب الراب ويجز، مشيرًا إلى أن الأغاني الذي يقدمها الأخير لا تعبر عن الذوق العام وليس لها معنى.
وكتب عمرو سمير عاطف منشورًا، عبر حسابه الشخصي بموقع التواصل الاجتماعي فيسبوك، قال فيه: فيه حالة كده بخصوص ويجز، اللى هو معلش يا جماعة الذوق اتغير، وافتكروا زمان لما حميد الشاعري طلع والأغنية الشبابية، ويالا بينا نحاول نفهم ونتفهم إعجاب الشباب بيه، لأنهم أكيد معاهم حق.
عمرو سمير عاطف يهاجم ويجز
وتابع عمرو سمير عاطف: معلش أنا أسف والله، بس حتى لو فعلا الذوق اتغير، ويجز مش معبر عن ده، في اعتقادي الإقبال عليه، والاهتمام بيه راجع، لأن كلام الأغاني بتاعته، بيبقي زي سيم كده بينه وبين اللى بيسمع، وألغاز محتاجة تفكير، عشان تتحل إنما لا مزيكا ولا صوت ولا كلام، ولا أي حاجة من دي نهائي.
تصريحات عمرو سمير عاطف
وأضاف عمرو سمير عاطف: لو أغنية زي البخت دي، كان ويجز من عشر سنين قدمها، لأي منتج كان طرده، وممكن اعتدى عليه كمان، من حقك، وده مفروغ منه قطعا، إنك تسمع وتحب اللي أنت عايزه، ومش من حق أي حد إنه يمنعك من ممارسة الحق ده، لكن ويجز ده مش فن ثوري جديد ولا حاجة.
