السيسي: نعيش على مساحة أرض ضئيلة والمفروض نتمدد في المليون كيلو
قال الرئيس عبدالفتاح السيسي، إن حجم النمو الذى شهدته مصر خلال الخمسين عاما الماضية أكبر من طاقة وكتلة مساحة الأرض المتاحة.
وأضاف الرئيس خلال لقائه بطلبة كلية الشرطة، اليوم، أن المصريين يعيشون على مساحة أرض ضئيلة بالنسبة لعدد السكان، متابعا: حاسيين أن الأرض مش سيعاكم لأننا المفروض نتمدد وننمو ونعيش على كامل المليون كيلو، لكن احنا عايشين على 60 ألف كيلو بس.
وتابع السيسي: الناس فضلت تبني على الأراضي الزراعية لدرجة أن مبقاش فيه مكان للزراعة، بالطريقة دي لازم نخرج في المدن الجديدة اللي بنعملها علشان نخرج كتلة سكانية كبيرة من الأماكن الموجودة.
وضرب الرئيس مثلًا بأراضي المنوفية، قائلا: الأرض والمساكن في المنوفية غالية جدًا لأن حجم الطلب أكبر من المعروض، ومفيش أرض ونضطر نعمل على أراضي زراعية.
وتابع السيسي: القاهرة كانت مصممة تشيل 4 ملايين واللى عايش عليها ملايين من الناس.
وأردف الرئيس: القضية الموجودة وينبغي أن نفهمها كلنا أن إحنا لازم نتغير، لكن لو كلنا مصممين أن نعيش مع أهالينا هتبقى الدنيا كده وهنشتكي من الباعة الجائلين.
ووجه الرئيس حديثه للطلبة متسائلا، كم عدد الباعة الجائلين في مصر؟، أكتر من 2 مليون المفروض كان ليهم شغل ويشتغلوا علشان عدد السكان كتير.
