أديب: أردوغان خلال أزمة بلاده باع 50% من أكبر مصنع دبابات لديه إلى القطريين
قال الإعلامي عمرو أديب، إن الرئيس التركي رجب طيب أردوغان، باع منذ 3 سنوات، 50% من أكبر مصنع دبابات لديه إلى القطريين.
باع نصف المصنع عشان عنده أزمة
وأضاف الإعلامي عمرو أديب، عبر برنامج الحكاية مساء اليوم السبت: باع نصف المصنع عشان عنده أزمة اقتصادية ومحدش قاله إنت بعت الوطن وبعت الجيش التركي، أبدًا أردوغان وفي نفس السنة باع 10 % من البورصة للقطريين.
إيه يا جماعة عاوزين نفضل برا العالم؟
وأكمل الإعلامي عمرو أديب: إيه يا جماعة عاوزين نفضل برا العالم؟ لازم تخش فلوس، لما بتنقي طماطم بتنقي طماطم كويسة، وكذلك المستثمر لما ينقي بنك بينقي بنك كويس.
وأردف الإعلامي عمرو أديب بـ: الفترة الحالية تشهد أزمات اقتصادية، الأمر الذي يصعب جذب استثمارات للدول.. والدول تحتفظ بالسيولة النقدية الخاصة بها، في هذا الوقت الحرج.
واستكمل الإعلامي عمرو أديب: الهند خصخصت شركة الطيران وإسرائيل باعت 80% من البريد وكانت هتدي إدارة ميناء حيفا لشركة تركية.
واختتم أديب: طبعا انت هنا لو جيبت جنب مصر للطيران هتقول لا تخسر وعلم مصر، هوه فيه إيه؟. انتوا عايزين فلوس ولا نعمل ايه.. دا مش بيأكل عيش خالص.
