طليقة أحمد الفيشاوي عن تداول صورهما الجريئة: حياتي فيها إنسان ميسمحش بكدا
علقت ندى الكامل، طليقة الفنان أحمد الفيشاوي على الانتقادات التي تتعرض لها بسبب تقبيلها لطليقها أحمد في عديد من الفعاليات والمهرجانات، مشيرة إلى أن هذه الفترة من حياتها انتهت وهي الآن تبدأ مرحلة جديدة.
وكتبت ندى الكامل، عبر حسابها بموقع تبادل الصور والفيديوهات انستجرام: خلاص بقى، وعيب كده، دي دلوقت منطقة أعراض، والليلة دي خلصت وراحت، وأنا ست مشيت بـ أدبي واحترامي، مش كل شوية حد هيضايقني بـ حاجة زي دي.
ندى الكامل: قررت الناس تنساني وببدأ مرحلة جديدة
وواصلت الكامل: أنا بتضايق وبحس كأني مخدتش قرار أن الناس تنساني، وكأني معملتش حاجة ولا حاولت جاهدة إني أمشي واختار الراحة، ولو مش هاممكوا أنا الرجاء المحافظة على اللي حواليا وأن فيه شخص أو ناس لما بتشوف الكلام ده بيزعلوا لأنه فات وأنا قفلت عليه وبدأت حياة وصفحة جديدة وحب وراحة كنت بتمناها.
ندى الكامل: فيه إنسان في حياتي دلوقت ميقبلش كدا.. ومبقتش مادة إعلامية
واختتمت ندى الكامل حديثها، قائلة: الرجاء الحفاظ على اختياري وتبعاته، ومرة تانية حياتي فيها إنسان ميحبش كده أبدا وأنا ممنونة له أنه تخطى الحاجز ده، بلاش خوض في اللي عدي وكان بإرادتي إني أعديه، ودي مش أول مره أشوف حاجة زي دي، وبعدي كتير بس كان لازم وقفة شوية، أنا مبقتش مادة إعلامية ولا بحاول أكون.
