طارق علام يطلق مبادرة تحويل 100 دولار من كل مصري في الخارج لدعم الاقتصاد | فيديو
نشر الإعلامي طارق علام، مقدم برنامج كلام من ذهب، المذاع على شاشة المحور في العاشرة مساءً، فيديو عبر صفحته الرسمية على فيسبوك، ناشد فيه المواطنين المصرين بالخارج بضرورة المساندة في دعم الاقتصاد الوطني.
طارق علام يقدم نصائح للمصريين في رمضان
وقال علام خلال الفيديو: كل سنة وأنتم طيبين، ورمضان كريم، والشهر الكريم بالنسبة لنا أحلى حاجة في العمر، لأني اتولدت في رمضان، ونجحت في رمضان، وشوفت أحلى وأجدع ناس من الشعب المصري في رمضان.
وأضاف علام: البيان رقم 1 اللي بقوله قبل رمضان بساعات، ربنا يسعدكم وتبقى الأيام الجاية جميلة بيكم، وإننا ندعي ربنا ونقرب ونقول يا رب.
وتابع: أول حاجة عايز أقولها إننا نزود إفطار صائم، حضرتك في البلكونة، أو في بيتك، وشايف إن في عامل أو أي حد بيشتغل، أو حد ماشي في الشارع قبل الفطار، اديله كيس في ساندويش، أو موزة، أو تمر، أو أي حاجة.
وأكمل علام: كمان نزود موائد الرحمن، ونزود التطوع من شبابنا، ويساعدوا في وصول هذه الحاجات للناس اللي تستحقها.
حملة صيامك وعيدك عندنا
واستكمل علام حديثه قائلًا: عايز أوجه رسالة لكل أهالينا في الخليج أو بره مصر، عايزين نعمل حملة صيامك وعيدك عندنا، تعالى صوم معانا في رمضان، وشوف الأيام الجميلة عندنا في مصر، والليالي الرمضانية، وتصلي التراويح وبعدين تسهر في التجمع وخان الخليلي وإسكندرية وكل منطقة، وفي العيد نروح شرم الشيخ والغردقة.
واختتم علام حديثه قائلًا: الحاجة التالتة، أتواصل مع الناس في الخارج بمناسبة سعر الدولار، وأنا عايز من كل حد بره يحول 100 دولار فقط، لو ده حصل تخيل الدعم بتاع الاقتصاد هيبقى عامل إزاي، وهتحطهم مش تبرع، هيبقوا في حسابك إنت، أتمنى ناخد بتلك الرسالة.
