يلا بينا نخطفها وأنا اللي حموّتها.. أحد المتهمين بقتل الطفلة جنى: الديون حاصرتني وصاحبي كبرها في دماغي | تحقيقات
قررت الدائرة 12 بمحكمة جنايات الجيزة، اليوم الأحد، تأجيل أولى جلسات محاكمة قتلة الطفلة جنى بمنطقة بولاق الدكرور، وإخفاء جثتها داخل غرفة للصرف الصحي بمركز كرداسة لجلسة 28 يونيو، لاستدعاء الطبيب للمناقشة وضابط التحريات.
وحصل القاهرة 24 على نص التحقيقات في القضية التي حملت رقم 1229 لسنة 2021 جنايات مركز كرداسة والمقيدة برقم 4557 لسنة 2021 كلي شمال الجيزة، إلى محكمة الجنايات، والمتهم فيها مصطفى ف ا ع، 20 سنة، طالب بالفرقة الثالثة بكلية الحقوق جامعة القاهرة، محبوس، ومحمد ع ح ع م، 16 سنة، حاصل على إعدادية، محبوس، ومحمود ع أ ع، 28 سنة عامل، وعبد العزيز ف أ ع ح، 23 سنة، عامل، محبوس.
أحد المتهمين بقتل الطفلة جنى كان عليا ديون وصاحبي كبرها في دماغي
وكشف أمر الإحالة أن المتهم مصطفى، ف 20 عام طالب بالفرقة الثالثة بكلية الحقوق جامعة القاهرة محبوس ومجدي.ع 16عاما حاصل على إعدادية محبوس ومحمود.ع 28 عاما عامل محبوس وعبد العزيز. ف 32 عامل محبوس.
أنهم في يوم 4 سبتمبر لسنة 2021 حال كون المتهم الثاني طفلًا جاوز الخامسة عشرة، أن المتهمين الأول والثاني قتلا عمدا المجني عليها الطفلة جنى علي مع سبق الإصرار والترصد بأن بيتا النية وعقدا العزم على قتلها فأعدا رباط وحددا مسكن في عقار يقطن به المتهم الأول لارتكاب الواقعة وما أن لاقاها حال عودتها لمنزلها حتى استدرجاها إلى داخل المسكن فتمكن المتهم الأول من باغتتها بإحكام الرباط من خلفها حول العنق واعتصر بيديه الرباط دون أن تلفظ أنفاسها إلى أن تيقن ارقتها الحياة وذلك حال تواجد المتهم الثاني على مسرح الحدث للشد من أزره.
قتل الطفلة جنى
والمتهمان الثالث والرابع أعانا المتهمين الأول والثاني على الفرار من وجه القضاء بارتكاب الجريمة موقع الاتهام التالي وعدم الإبلاغ عن الأخيرين ودون تقديم المعلومات التي تتعلق بالجريمة الأولى جهات الأمنية.
وقال المتهم مصطفي فايز البالغ من العمر20 ويعمل عامل دليفري: اللي حصل أني كان في واحد صحبي أسمه محمد علي حسن عثمان بنقعد مع بعض علي طول وكنت بقعد أشتكيله أن الدنيا خربانة معايا وضيقة في الفلوس فاقترح عليا مرة تخطف حد ونطلب فدية علشان نفك بيها الزنقة لأن في أقساط عليا وديون أتكومت عليا والمكنة بتاعتي أتسحبت مني عشان مدفعتش الأقساط.
وأضاف المتهم بقتل الطفلة: أنا أصلًا كنت عامل مشروع فراخ بس فشل وشاركت واحد بس خسرت والديون اتكومت عليا، ولما محمد علي صحبي فتح معايا الموضوع ده تاني قالي أن أهل جنا علي أمها عاوزين يشتروا بيت وقالي أيه رأيك في جني أهلها شكلهم معاهم فلوس ومتقلقش محدش هيعرف وهتسدد كل ديونك وهيكون معاك فلوس زيادة وهتعرف ترجع المكنة بتاعتك بس أديني مصاريف الموضوع وملكش دعوة وساعتها كبرت في دماغي لأني كنت محتاج الفلوس دي والناس عرفا ان انا عليا 27 ألف وعلیا کمان 18 ألف ومحدش يعرف عنهم حاجه.
يلا بينا نخطفها وأنا هموتها ملكش دعوة
وأوضح المتهم: رديت عليه قولتله أنا عارف أن أهل جني معاهم فلوس وأمها كانت عاوزة تاجر شقة عندنا فسألني أنت تعرفهم قولتله أيوه أعرفهم وفي اليوم ده كنت واقف مع العمال اللي شغالين في البيت بتاع جاري وأنا واقف هناك جني عدت عليا وسألتني على أختي جنا وكان معايا بمبوني أديتها واحدة وأديت الصنايعي اللي شغال واحدة وبعد كده مشيت وأنا أمي كانت يومها في المحكمة بتخلص إجراءات عشان والدي متوفي من قريب وأمي رجعت ففتحت الجراج ووقفت مع أمي وحوالي الساعة 3 مساءًا محمد علي عدي عليا في الشارع وقالي أنه شاف أختي وكان معاها جني ماشيين في الشارع وبعضها بشويه جنى واختي طلعوا البيت عندنا وأنا ساعتها كنت تحت ومعايا محمد علي، ومحمد علي سخني وقالي جني نازلة أهي من البيت عندكو دلوقتي وقعد يقولي يلا بينا نخطفها وأنا هموتها ملكش دعوة.
