أسامة الأزهري: رمضان مليان بالصفات التي تشكل الإنسان المصري
قال الدكتور أسامة الأزهري، مستشار رئيس الجمهورية للشئون الدينة والعالم الأزهري، إن شهر رمضان ارتبط بالقرآن الكريم، لأن القرآن نزل في شهر رمضان.
وأضاف الأزهري: بدأت أفكر رمضان ارتبط بـ إيه، يعني كل ما نفتكر رمضان نفتكر حاجة معينة، فوجدت أن شهر رمضان ارتبط بالقرآن الكريم وارتبط بالكرم، كما أنه ارتبط بالأدب، وكذلك ارتبط بالدعاء، في لما نقرأ القرآن الكريم في سورة البقرة قال الله تعالى شهر رمضان الذي أنزل فيه القرآن هدي للناس، وفي الآية اللي بعدها قال تعالي “وإذا سألك عبادي عني فإني قريب أجيب دعوة الداعي إذا دعان”.
ليه ربنا إختار آية الدعاء وسط آيات الصيام
وأضاف مستشار رئيس الجمهورية للشؤون الدينية في برنامج لحظة صفا الذي يذاع علي الراديو 90 90 إف إم: ليه ربنا اختار لهذه الآية.. آية الدعاء.. هذا الموضع المخصوص والمحدد والذي هو يقع وسط آيات الصيام، علشان القرآن بعد الآية دي رجع يتكلم عن الصيام، وكأنه جاب آية الدعاء وحطها وسط آيات الصيام، يبقي إذن رمضان ارتبط بالدعاء والقرآن والأدب والكرم.
رمضان مليان بالمعاني اللي بتشكل الإنسان المصري
واستكمل الأزهري حديثه: ارتبط رمضان بالتقوي، وارتبط رمضان باليسر، وارتبط بالكمال، ارتبط رمضان بالإنسانية، رمضان بحر متدفق وانهار منهمرة.. رمضان مرتبط بعدد من المعاني اللي مليانة سمو، واللي مليانة رفعة واللي مليانة نور، ومليانة شهامة وذوق وجمال، إللي هي في الحقيقة مليانة بالمعاني اللي بتشكل الإنسان المصري، اللي اتعودناه من الإنسان المصري طوال السنة، بس بيظهر بشكل أكبر في شهر رمضان لما بنشوفه بيوقف الناس والعربيات عشان يعطيهم التمر والعصير عشان يفطروا، لما الناس تتصافي ورمضان كله يتحول للحظة صفا.
