أنتي مش عارفة أني مرتبطة؟.. مي حلمي تحرج الإعلامية أميرة بدر بسبب سؤال عن خطيبها | فيديو
أحرجت الإعلامية مي حلمي زميلتها الإعلامية أميرة بدر على الهواء مباشرةً، كما كشفت العديد من الأسرار عن حياتها وحقيقة ارتباطها لأول مرة.
ووجهت أميرة بدر سؤالًا لـ مي حول حقيقة ارتباطها، لـ ترد الأخيرة: هو أنتي مش عارفة أني مرتبطة؟ الإعداد اللي عملك الورق مقالش أني مرتبطة من فترة كبيرة وإزاي عارفة القديم ومش عارفة الجديد؟ ومش هكون مرتبطة ليه يعني دا أنا مرتبطة من بدري أوي.
كما علقت مي على سؤال أميرة حول خلافها مع اللاعب أحمد صالح، قائلة: أنتي ليه عايزة تفتحي الملفات القديمة، أنا طلعت تريند 4 شهور ساعتها والموضوع خلص ليه مصممة تشهريه تاني؟ وليه تخلي الناس تشوف الفيديو تاني وهو إنسان طيب وغلبان وكان عايز يبقى تريند وأنا فهمته أن دا مش كويس، وعيب لما مذيعة بلدي تقول أني أتعصبت عليه والمذيعة من بلد تاني تقول أني مش غلطانة.
وأشارت مي حلمي إلى أنها مرتبطة حاليًا وتعيش قصة حب مع رجل عوضها فقدانها للحنية ودائمًا يوجه لها النصيحة ويدعمها باستمرار نفسيًا ومهنيًا.
وتطرقت مي حلمي، للحديث عن أزمة شيرين عبد الوهاب ومعاناتها من الاكتئاب في الفترة الماضية، موضحة أنها لا تستطيع التضامن معها بشكل كامل لأنها تراها ضعيفة في بعض الأحيان وكان من الأفضل ألا تظهر للجمهور أثناء مرورها بأزمة نفسية، وتسمح له بالحكم عليها دون وجه حق.
