أمير كرارة: بدأت مشواري بأجر 50 جنيها كنت بسقف في برنامج عمرو أديب | فيديو
أوضح الفنان أمير كرارة أنه عانى كثيرًا في بداية مشواره الفني، حيث أنه بدأ طريقه من خلال ظهوره ضمن الجمهور في البرامج مع بداية الألفينات.
وقال أمير كرارة خلال استضافته ببرنامج حبر سري الذي تقدمه الإعلامية أسما إبراهيم: بقالي في الشغلانة دي من سنة 2000 من وأنا بطلع أسقف في البرامج بـ 50 جنيها.. أستاذ عمرو أديب بيعمل برنامج اسمه سوارية وكنت ببدل بدلي مع صاحبي عشان نعرف نطلع في البرامج.. وكنت ببدأ بأدوار صغيرة وفخور بده والواحد لما يشتغل على نفسه بيروح في حتى تانية خالص.
أمير كرارة: لا أمانع دخول بناتي التمثيل
وأشار أمير كرارة إلى أنه لا يمانع دخول بناته مجال التمثيل، وسيدعمهما، موضحًا أنه سيدعمهما بخبراته الفنية في المجال، ولكن لن يوصي بهم لدى المنتجين أو المخرجين، وسيجعلهم يعتمدون على موهبتهم ويعكفون على تطويرها.
أما عن شقيقه الفنان أحمد كرارة، فقال أمير: مينفعش نشتغل سوا، ومش صح، وأتمنى أشوفه قدي 20 مرة ويبقى أحسن مني، واحنا فيه بينا شغل تاني غير التمثيل وهو اللي مسئول عنها مش أنا، ولكن في التمثيل لا، وعمره ما زعل إننا مش بنشتغل مع بعض، وهو راجل فاهم ومقتنع إن ده صح، هو ولكن لو اشتغل معايا كان هيتقال ده أخوه اللي مشغله وهيتأذي، وهو طلع مشهد في مسلسل كلبش ولكن مرشحتوش في العمل.
