من صغري أحب الراجل الخمسيني.. إلهام شاهين: أفضل الزواج برجال أكبر مني
كشفت الفنانة إلهام شاهين، سر تفضيلها الزواج ممن يكبرونها في السن بفوارق عمرية كبيرة، موضحةً: "عشان أنا بحب العقل الكبير والشخص الناضج، ولما تزوجت في العشرينيات كنت أحب أن يكون الرجل في الخمسينيات".
بحب عقل الراجل
وأضافت شاهين في تصريحات تلفزيونية لها مساء اليوم الأحد: "بحب عقل الراجل وإنه يبقى قوي ومسؤول وناضج وأعمله حساب، وعشان كده لم أكن أنجذب إلا الرجل في الخمسين من عمره عندما كنت في العشرينيات".
واعترفت إلهام شاهين، أنها تعيش قصة حب: "طول عمري بحب ومبعرفش أعيش من غير قصة حب.. عموما أنا مبحبش العيال الصغيرة وأحب الراجل الناضج المستقر الهادئ والمفكر، أما الشاب الصغير فإنه سيفتقر إلى هذه الأشياء.. أنا مش عايزة راجل صغير أتنطط معاه وأروح الديسكو، أنا مش بتاعة الكلام ده، لكن أنا بحب أقعد قعدة رومانسية".
وفي سياق آخر، قالت الفنانة إلهام شاهين: "شاركت مع عادل إمام في فيلم رمضان فوق البركان، وقالي انتِ ليه قبلتِ الدور ده؟! فقلت له لو هعدي قدام الكاميرا عشان انت فيها، أنا موافقة، فقالي إن إمكانياتي قوية وعملتِ دور قوي في الهلفوت، لكن ده عادل إمام".
وأردفت: "أنا بعشق عادل إمام، بس بقالي فترة مبكلمهوش، لأنه مبيردش على حد في التليفونات، وأخر مرة التقينا، كان في سحور ابنه أو زوج بنته عمله في رمضان الماضي".
