إلهام شاهين: عادل إمام مابيردش على حد
انفعلت الفنانة إلهام شاهين، على شيخ العرافين، بعدما زعم أن الفنان الكبير عادل إمام غضب منها بسبب حصولها على جائزة عن فيلم الهلفوت.
وقالت شاهين خلال حوارها مع الإعلامية بسمة وهبة، مقدمة برنامج العرافة، المذاع عبر قناة المحور: عادل إمام أكبر من أي جوائز، مزعلش مني، دا إحنا حبايب وبموت فيه.
تصريحات إلهام شاهين عن عادل إمام
وتابعت إلهام شاهين: الزعيم ده أستاذ الأساتذة، انتو جايين تخرفوا، ده أكبر نجم في مصر، جايزة إيه اللي يزعل منها.
وتابعت الفنانة: شاركت مع عادل إمام في فيلم رمضان فوق البركان، وقالي أنتِ ليه قبلتِ الدور ده؟! فقلت له لو هعدي قدام الكاميرا عشان أنت فيها، أنا موافقة، فقالي إن إمكانياتي قوية وعملتِ دور قوي في الهلفوت، لكن ده عادل إمام.
إلهام شاهين في برنامج العرافة
وأردفت إلهام شاهين: أنا بعشق عادل إمام، بس بقالي فترة مبكلمهوش، لأنه مبيردش على حد في التليفونات، وأخر مرة التقينا، كان في سحور، ابنه أو زوج بنته، عمله في رمضان الماضي.
وفي سياق آخر، كشفت الفنانة إلهام شاهين، أنها تدعم الكاتب إبراهيم عيسى في محنته، مشيرة إلى أنه شخص مثقف ومستنير، ويخاطب عقلها، حيث قالت: بحب اللي يخاطب عقلي ويقنعني، ميقوليش مسلمات كده وخلاص.
وتابعت إلهام شاهين: إبراهيم عيسى شخص مثقف ومستنير، ولا يقصد أي إساءة أو تجريح للدين.
