رمضان صبحي: طارق حامد وأفشة لاعيبة كبار.. واللي بيحصل من جمهور الأهلي مش كُره

علق رمضان صبحي، لاعب فريق بيراميدز، على كواليس تعرضه للإصابة وموقفه من الغياب عن مباراة مصر والسنغال، وحقيقة تأثره بالهجوم الدائم من جانب جمهور الأهلي.

بيراميدز يعلن مدة غياب رمضان صبحي عن الملاعب

إكرامي الشحات: الزمالك لم يفاوض رمضان صبحي

رمضان صبحي: طارق حامد وأفشة لاعيبة كبار

وقال رمضان صبحي عن إصابته في تصريحات تلفزيونية: بخاف من الإصابات وعيطت عشان جه في دماغي أن ممكن يكون جالي رباط صليبي، لأن إصابتي في الركبة بسيطة، والحمدلله كل اللي يجيبه ربنا كويس.

وأضاف: ماكنتش بفكر في أي حاجة وقت ما اتعرضت للإصابة غير موضوع إني أعرف حجم الإصابة، وماكنش في بالي هلعب مباراة مصر والسنغال ولا لأ.

وتابع: طارق حامد وأفشة لاعيبة كبار، هما لما ميكنوش في المنتخب الناس طبيعي تتكلم، إنما أنا الحمدلله آخر معسكرين كنت موجود مع المنتخب، وغبت آخر مرة بسبب الإصابة.

رمضان صبحي: الناس قلبت عليا لما مشيت من الأهلي

وعن أهمية دور الجماهير، أوضح: حاجة كويسة إن يكون في جمهور في ضهرك وبيساندك، بس لما اللاعب مستواه بيتراجع الجمهور مبيقفش جمبه، ومش في كل الأوقات الجمهور هيكون داعم.

واختتم رمضان صبحي: الناس قلبت عليا لما مشيت من الأهلي عشان ده وضع طبيعي، معلقًا على لقطة عندما يقف الجمهور في المدرج ويرفع لك أموال: أي حاجة بتطلع من الجمهور من وقت ما مشيت من الأهلي مبحسش إنها كُره، واللي بيحصل ده مش بيضايقني.