طارق الشيخ يبكي خلال حديثه عن والده: اتقلبت 5 مرات بالعربية وربنا نجاني بسبب دعواته
تحدث المطرب الشعبي طارق الشيخ عن علاقته بوالده الراحل، مشيرًا إلى أنها كانت قوية، وتربيته له ولأشقائه، تختلف عن تربيته هو لأولاده.
وقال طارق الشيخ، خلال لقائه في برنامج سابع سما، تقديم الإعلامية راغدة شلهوب: والدي كان الخير والبركة، وبسبب دعواته ربنا نجاني من الموت أكثر من مرة.. العربية اتقلبت بيا 5 مرات، ودعوات والدي نجتني منهم، مرة طِرْت من شباك، ومرة لقيت نفسي محدوف في جمب، واللي بيطلعني ما يصدقش إني عايش.
طارق الشيخ يبكي خلال حديثه عن والده
وبكى طارق الشيخ، خلال حديثه عن والده، قائلًا: كان يقول لي: هتاكل إيه؟، اللي أنت عاوزه نعمله، كان بيهوِّن عليا بعيد عن الماديات، على الرغم إن أنا كنت في حتة وهو في حتة، لكن حتى أصحابه الشيوخ، كانوا صحابي، وبيدعولي، وكانوا بينصحوني كتير، وحصل لي مهالك كتير، ربنا نجاني منها؛ بفضل دعوات والدي وأصدقائه.
وأكمل طارق الشيخ حديثه: والدي ربانا نتغدى ونتعشى في طبق واحد، طريقة مختلفة، لكني كنت حاببها، وما أقدرش أطبقها مع أولادي؛ لأني لو عملت كده؛ يقولوا عليا مجنون، مضيفًا: مش بعرف أمسك تليفون، ولا أدخل على نت، ولو دخلت على فيسبوك؛ أتوه.
وتابع طارق الشيخ: تربية والدي ليا كانت فيها قناعة؛ لأني أتربيت على إن والدي موظف، لكن ولادي عاشوا على مبدأ إن أبوهم طارق الشيخ؛ فيصرفوا.
