أمه بتسييه بالساعات وترجع آخر الليل.. أقوال سيدة عثرت على طفل تركته والدته للكلاب الضالة بحلوان |تحقيقات
شهدت منطقة حلوان واقعة مأساوية، لسيدة تجرد قلبها من كل معاني الرحمة والأمومة، بعدما عرضت حياة طفلها، البالغ من العمر عام ونصف لـ الخطر، وتركه في الشارع بجوار مقلب قمامة، أمام متحف الشمع دائرة القسم حلوان، في حالة إجهاد مع تجمع مجموعة من الكلاب الضالة حوله.
وحصل القاهرة 24، على التحقيقات في القضية رقم 11114 لسنة 2021 إداري، وجاءت أقوال الشاهدة وصاحبة العثور على الطفل، كالتالي:
س: ما تفصيلاتك لما حدث؟
ج: اللي حصل إن أنا كنت راجعة من القصر العيني، ونزلت محطة مترو عين حلوان، كنت ماشية جنب سور المترو قصاد متحف الشمع، شفت طفل حوالي سنة ونصف قاعد في الشارع على نجيلة جنب جراج عربيات، على فرشة وجنبه شنطة هدوم وأكياس لبن، وكان في كلاب حواليه كان شكله متبهدل فأخدته وأكلته وسألت الناس اللي هناك عليه، قالولي كويس إنك أخدتيه دا امه كل يوم تسيبه بالساعات، وبتمشي وترجعله آخر الليل، وهو وأمه قاعدين في الشارع على طول عشان معندهمش بيت، ولما أخدته ورجعت جوزي قالي لازم تعملي محضر، وطلعت بيه على قسم حلوان.
س: ما التصرف الذي بدر منك حيال ذنب الطفل ؟
ج: زوجي لما رجع من الشغل قاللي لازم تعملي محضر وطلعت بيه على قسم حلوان.
س: ما هي مدة بقاء الطفل بحوزتك؟
ج: أنا لقيته حوالي السابعة مساء والمباحث قبضوا على أمه حوالي الساعة 11 مساء.
س: ما هي الحالة الصحية للطفل ؟
ج: هو كان صحته كويسة.
س هل قمتي بعرضه على أحد المستشفيات الحكومية أو الخاصة لتوقيع الكشف الطبي عليه؟
ج: لا
س: ما الذي حال دون ذلك ؟
ج: عشان هو صحته كانت كويسة ولو كان استنى معايا كنت هكشف عليه.
س: من هل من ثمة علاقة أو خلافات بينك وبين والدة الطفل المعثور عليه؟
ج: مفيش علاقة أو خلافات.
س: هل سالفة الذكر هي والدة ذلك الطفل ؟
ج: معرفش بس الظابط قال كدة.
س:ما سبب قيام سالفة الذكر بترك نجلها بذلك المكان؟
ج: معرفش.
س متى تحديدا قامت سالفة الذكر بتركه بمكان الواقعة؟
ج: معرفش أنا لقيتة الساعة 5 مساء
س: هل سالفة الذكر معتادة على ترك نجلها بمكان الواقعة ؟
ج: أنا معرفش بس الناس في الجراج قالولي كدة.
