ماذا قالت رحمة أحمد عن تشبيهها بـ دنيا سمير غانم عقب تألقها في مسلسل الكبير أوي 6
أعربت الفنانة رحمة أحمد عن سعادتها الكبيرة، بردود الأفعال الإيجابية التي تلقتها عبر مواقع التواصل الاجتماعي؛ بعد تألقها في دور مربوحة، بمسلسل الكبير أوي 6، مشيرة إلى أن تشبيهها بالفنانة دنيا سمير غانم؛ هو أمر غير مقبول، حيث أنها تعتبر من جمهور دنيا، وتكن لها كل الاحترام والتقدير والحب الكبير.
وكتبت رحمة أحمد منشورًا، عبر حسابها الشخصي بموقع التواصل الاجتماعي فيسبوك، قالت فيه: أنا مش عارفة أعبر عن إحساسي بالامتنان.. الحمد لله والشكر لله، أي حاجة حلوة حصلت أو اتقالت لي؛ ده كرم كبير أوي من ربنا، يمكن أكبر من اللي أستحقه.. عاوزه أقول 3 نقط.
رحمة أحمد في مسلسل الكبير أوي
وتابعت رحمة أحمد: الأولى؛ هفضل أقول البوقِّين دول كل ما حد يشاور، النقطة دي إن فنانة زي دنيا سمير غانم، لا تقارن بحد، أنا مش حد خالص، أنا من فانز دنيا سمير غانم، لأن لو اتحطينا في مقارنة؛ من المؤكد إن أنا اللي هبقى خسرانة.
وأضافت رحمة أحمد: الثانية؛ بعد توفيق ربنا، إن فنان زي أحمد مكي، يدي مساحة لحد يقول حاجة؛ مابتحصلش من أي فنان موجود على الساحة، الراجل ده عنده اللي يكفيه وزيادة، إنه يسيب فنان قدامه يقول وهو سايب إيده، مهما اتكلمت عنه؛ مش هوفيه حقه فنيًا ولا إنسانيًا.
وواصلت رحمة أحمد منشورها: المبدع أحمد الجندي مايتخيرش عنه، يسيبك تقول، ويعليك، ويركبلك شغل، وذكي، يعرف يطلع ضحك من أي شخصية، ويحطها في مكانها الصح.
وتابعت رحمة أحمد: الثالثة لك أنت يا حبيب قلبي، أخويا الكبير الداعم المستمر بكل الطرق، صادق في فرحته، أنا مهما حكيت على اللي عملته معايا، عشان أوصل إني أبقى في عمل من أهم الأعمال في رمضان؛ مش هكفيك كلام، شكرًا أحمد أمين، الأخ، والفنان، والإنسان، إنك دايمًا جنبي.
رحمة أحمد ودنيا سمير غانم
واختتمت رحمة أحمد، منشورها: أحمد أمين، أحمد مكي، أحمد الجندي.. أنتو مكسب لأي فنان ولأي شخص، وبشكر ربنا دايمًا، إن ربنا كتبلي إني أعرفكم، وشكرًا لأي حد دعمني، حتى لو بكلمة كويسة، وبالأخص صلاح الدالي، فنان هياخد حقه كويس جدًا، ويستاهل أكتر بحبك يا صلوحة، شكرًا لأي حد وقف جنبي، واللي أداني ضهره، وربنا لاوريك.
