نور الكاديكي عن أزمتها مع ريهام حجاج: بتتحكم في كل حاجة ومحدش عايز يشتغل معاها
تحدثت الفنانة نور الكاديكي عن أزمتها مع الفنانة ريهام حجاج بخصوص مسلسل يوتيرن والذي تشارك فيه نور والذي يعرض ضمن الموسم الدرامي الرمضاني الحالي، وكتبت نور على مواقع التواصل الاجتماعي إنها تعاني من تدخل ريهام حجاج في جميع الأمور الذي تخص دورها في العمل.
وقالت نور في تصريح لـ القاهرة 24: ريهام حجاج دي شخصية غدارة أنا عايزة أجيب لها دكتور نفساني من أمريكا، ومكنش فيه حد عايز يشتغل معاها حتى محمد كيلاني جه وحضر البروفات ومستحملش ومشي.
وأضافت الكاديكي: ريهام عندها مكتب في الشيخ زايد مخصوص بتروح لها كل يوم ماتريال المسلسل وهي اللي بتتحكم في كل حاجة، وأنا المفروض أظهر من الحلقة 2 لـ الحلقة الـ 19 لكنها شالت جزء كبير من دوري، وحذفت اسمي من تتر البداية، مش عارفة هي بتعمل كدة ليه.
واستكملت حديثها: احنا ياحبيبتي مش جايين نعرض مفاتنا احنا جايين نعرض شغلنا، وفيه نجوم كتير جدا رفضوا =العمل معها، واتدخلت في شغل كل الناس ومفيش حد يظهر في المسلسل غيرها، وناس كتير حصل معاهم زيي في المسلسل بس خافوا يتكلموا، لكن أنا مبخافش وعندين محامين ومش هسكت، واتهمتني إني مش نقابية لكن أشرف زكي كان محايد.
وأوضحت نور: هي مضايقه أوي أن سامح عبد العزيز مش بيخرج مشاهدها ومش بيقعد في اللوكشين، سامح عبد العزيز مخرج كبير جدا وتحت إيده 14 مخرج، ريهام اتدخلت في شغل كل الناس دي مش نجمة.
