تسريب يجمع طنطاوي والسيسي ومرسي.. ملخص الحلقة 8 من مسلسل الاختيار 3
شهدت الحلقة الثامنة من مسلسل الاختيار في الجزء الثالث، عرض عدد من التفاصيل والكواليس التي حدثت أثناء تولي جماعة الإخوان المسلمين الإرهابية الحكم، إلى جانب مفاجأة بعرض تسجيل مصور للقاء يجمع الرئيس المعزول محمد مرسي، والمشير محمد حسين طنطاوي واللواء عبد الفتاح السيسي آنذاك، قبل أيام من الإعلان عن نتيجة الانتخابات الرئاسية في عام 2012.
وعرضت الحلقة لقاء بين الفريق أول عبد الفتاح السيسي، وعدد من قادة القوات المسلحة، لمناقشة مسألة الحوار الوطني بين الرئيس المعزول محمد مرسي والقوى الوطنية.
وخلال اللقاء قال السيسي: الوضع أصبح كارثي ونحتاج لحلول ولو القوى السياسية وافقت على التحاور ده هينهي حالة الشحن ومحتاجين نستأذن رئيس الجمهورية.
وشهدت ظهور حمدين صباحي، وهو يبدي اعتراضه على ما إصدار الرئيس محمد مرسي للإعلان الدستوري، بعد إجراء حوار مع القوى السياسية، ووصف صباحي الإعلان الدستوري بأنه استبدادي.
كما رصد جهاز المخابرات العامة تورط القيادي الإخواني صفوت حجازي في عملية تهريب أسلحة لداخل مصر، كان الجهاز يتابعها منذ تولي جماعة الإخوان المسلمين السلطة.
وطالب الفريق عبد الفتاح السيسي، من الرئيس محمد مرسي، بتدخل الجيش لحل الأزمة التي تمر بالبلاد وذلك عقب رفض القوى السياسية دعوة الرئيس مرسي للحوار بعد إصدار الإعلان الدستور المكمل، وذلك في الحلقة الثامنة من مسلسل الاختيار3.
وقال السيسي لمرسي: الوضع هينفجر في أي لحظة، ليرد مرسي: محدش عاوز يقعد ولا يتكلم معايا من الأساس.
كما استعرضت الحلقة لقاءً ثلاثيا جمع المشير محمد حسين طنطاوي، والفريق أول عبد الفتاح السيسي، والرئيس المعزول محمد مرسي.
وخلال اللقاء قال المشير محمد حسين طنطاوي: أنا بتابع السيسي من أيام ما كان مقدم ومش بس يؤتمن على الجيش ده يؤتمن على البلد بحالها.
وقال طنطاوي: اللي حصل هو المفروض ميكنش موجود عشان يبقى الكلام دا بيني وبينك.. بس دا يعني مش ابني.
ليرد مرسي: أنا عارف العلاقة دي إلى أي مدى وعارف الثقة، بينما قال طنطاوي: وبعدين على فكرة قربه من الله وإخلاصه لله الحمد لله..ليرد السيسي: يارب أكون كده.
وتابع مرسي: سيادة اللواء عبد الفتاح السيسي الشخصية الحقيقية.. تحنا بنعتبره من الأسس اللي مع حضرتك والدراع الأساسية يعني مش هنقول الدراع اليمين.. ليرد المشير: ده من زمان أنا حاطط عيني عليه.
ووجه ووجه مرسي الحديث قائلًا: النتيجة متتغيرش لأن دي إذا حصلت ليس لها من دون الله كاشفة، الموجة اللي جاية موجة إضرام نيران لمن لا يقدر المسئولية، أنا لا أتمنى هذا ولا أريده ولا أوافق عليه.
فيما رد المشير: أنا عاوز أقلك لو حصل وجهة ما حاولت تضرم النيران في البلد هتبقى مصيبة على البلد وعلينا”.
وجاء نص الحوار بين المشير ومرسي على النحو التالي:
مرسي: أيوه صحيح.. ولكن دا شعور شعبي وليس مخطط.
المشير: لا في تخطيط معلش.
مرسي: النقطة التانية انعقاد مجلس الشعب.
طنطاوي: انعقاد مجلس الشعب مقدرش عليه.
مرسي: لا حضرتك تقدر تلغي القرار.
المشير: لا مقدرش ليس من سلطتي ألغي القرار.
مرسي: ماهو حضرتك اللي أصدرت القرار.
المشير: مش أنا اللي أصدرت القرار اللي أصدر القرار المحكمة.
مرسي: استمع إليّ أنا أخوك الصغير.. عشان مجيش بعد يومين تلاتة أربعة نقول أن إحنا ضيعنا فرصة.
المشير: مقدرش ألغي حكم محكمة.
مرسي: حكم المحكمة هيطبق في مرحلة لاحقة.
المشير: يعني إيه؟
مرسي: إحنا قدامنا منفذ نلغي القرار.. الحل التاني أن الموضوع محتاج لفتوى وتشريع وناخد وقت منا، ما نقول رأينا.
المشير: يا محمد بيه أنا في اعتقادي مش أنا بس محدش هيوافق على الكلام دا.
مرسي: النتيجة إذا تغيرت سيادة المشير سيؤدي هذا إلى حالة من الاضطراب لا نعرف إلى أي مدى ستصل، ومش هتقدروا تمنعوها، أنا أرصد الواقع لحضرتك.
كما تناولت الحلقة الثامنة من مسلسل الاختيار 3، حوارا بين المشير محمد حسين طنطاوي، واللواء عبد الفتاح السيسي، عن انتخابات الرئاسة، أبدى فيها شدة تحمله مسئولية البلاد، وتخوفه من تولي الإخوان الرئاسة، قائلا: سنة ونصف وأنا متحمل مسئولية البلاد، حاسس إني ماسك جمرة نار في إيدي بتحرقها، ومش قادر أرميها عشان متحرقش الدنيا، التاريخ هيكتب يقول إيه، هيقول إني سلمت البلد للإخوان.
