مصطفى درويش: كنت بتفرج على شيرين رضا في كليب عمرو دياب وأنا عندي 10 سنين
علق الفنان مصطفى درويش، على الهجوم المتبادل بينه وشيرين رضا، موضحًا: جالي من فريند عندي في البيدج مانشيت في المواقع، إنها بتسخر مني وبتقول متعرفنيش، فأنا مردتش، ومعرفش إيه القصة، لأني مفهمتش إيه اللي حصل.
خلاف مصطفى درويش وشيرين رضا
وأضاف درويش، خلال حواره مع الإعلامية بسمة وهبة مقدمة برنامج العرافة، على قناة المحور: عرفت بعد كده اللي حصل، وإنها هاجمتني بسبب انسحابي من فيلم الملحد، فرديت وخلتها تركب معايا التريند، مركبتش لوحدي.
وتابع: رديت عليها بأدب وقلت إن هناك فارق كبير في السن، ومن الطبيعي ألا تعرفني، كنت بتفرج عليها في كليب عمرو دياب وأنا عندي 10 سنين، عارفها من زمان، والناس كلها بتموت فيها.
وأوضح: شيرين رضا فنانة قبل أن أفكر في أن أصبح فنانا، هي قبل مني في الفن وقبلي وخبرة عني، هي عارفاني أكيد، وكانت المفروض تقول متعاملتش معاه قبل كده، وده قرار، ده الكلام العاقل، أنا عارف هي بتتكلم ازاي، هل كل كلامها ده مش عيب؟! ولا في فئة في المجتمع تنتقد وإحنا منقدرش نقولها لأ.
