مفاجأة.. تسريب لخيرت الشاطر يكشف دخول عناصر من القاعدة لمصر
عرض مسلسل الاختيار 3، تسريبا جديدا لـ خيرت الشاطر نائب مرشد جماعة الإخوان المسلمين الإرهابية، كشف دعوتهم للجماعات التابعة للقاعدة من أجل النزول إلى مصر.
دخول عناصر من القاعدة لمصر
وجاء في التسريب، أن خيرت الشاطر قال إن عبد المجيد الشاذلي مؤسس جماعة أهل السنة والجماعة بمصر وجه نداء الشهر اللي فات لبعض الجماعات اللي تبع القاعدة والناس بتاعة العنف أنهم ينزلوا مصر والمعلومات اللي عندنا أن في ناس نزلت يعني مش كتير 30 أو 40 في ظل الهيصة الموجودة والأمور ماشية.
وخلال التسريب قال خيرت الشاطر: المجموعات الرئيسية اللي كانت بتدعم حازم وهي في مئات الآلاف على مستوى الجمهورية من مختلف المحافظات يعني في مطروح في كفر الشيخ، السلفية الشعبية اللي بتتبناه وجزء من السلفيين في القنوات الفضائية دول مش منظمين يعني مش جسم يقدر يجمع ويعمل شغل كبير أنما فيه مجموعات خطر فيه مجموعة عبد المجيد الشاذلي بتاعة التبين أو مجموعة القطبيين أو السلفية الجهادية، دول خطر حقيقي حتى لو قليين في العدد لأن دول بشكل أوبأخر متبنيين فكرة العنف وهم عندهم نظرية موجودة بتقول أننا نقفز على الحكم ودا تعديل في استراتيجيتهم السابقة، يعني أن هو يبقى جزء من الإصلاح من فوق.
وكانت عرضت الحلقة التاسعة من مسلسل الاختيار3 تسريبا جديدا للرئيس المعزول محمد مرسي، يتحدث فيه لعدد من قيادات جماعة الإخوان المسلمين من بينهم خيرت الشاطر.
وخلال التسريب قال مرسي: البرادعي زعلان كان هيموت على رئاسة الوزراء.. هيموت يعني.. حضرتك فاكر اتصل بينا مرتين في نفس اليوم، قال إذا مش موافقين قالوا ليس لدينا مانع، هي رئاسة الوزراء مهمة للدرجة دي حاجة غريبة جدا.
وقاطع الشاطر حديث مرسي قائلًا: أه واديت له رسالة إن الإخوان مش هيدوا له في انتخابات الرئاسة، وهو بيراهن على غير كدا، فيبقى إذا كان التصويت كتلته 60-70% ماشية في اتجاه الإسلاميين، يبقى فرص نجاحه ضعيفة أو مش موجودة، فقرر الانسحاب بشرط، ونوع من الضغط بقى يعني جايز الناس بتحب الضحية جايز أي حد يتعاطف معاه، الطريقة الأمريكاني يعني.
