عبد الفتاح الجريني: أشوف فيك يوم كانت لراشد الماجد ولا يوجد خلاف مع سعد لمجرد وشيري عادل
كشف الفنان المغربي عبد الفتاح الجريني، حقيقة خلافه مع الملحن عمرو مصطفى وشيري عادل والفنان المغربي سعد لمجرد، وتطرق في حديثه لكواليس أغنية أشوف فيك يوم، التي تعد نقطة انطلاقه الفنية في مصر.
وقال عبد الفتاح الجريني خلال تصريحات تلفزيونية: مفيش خلاف بيني وبين عمرو مصطفى وهو أول ملحن من الملحنين اللي اشتغلت معاهم روحت بيته، وبحب أغنيتي معاه، وهي بحب أشوفك كل ثانية، وأتمنى يكون فيه تعاون بينا وبقوله كل سنة وأنت طيب وبحبه.
وتابع عبد الفتاح: كان فيه فيلم هيجمعني مع شيري عادل وهي رفضت الدور وخلاص تمام مفيش خلاف بينا ولا بيني وبين طليقها، ومفيش خلاف بيني وبين سعد لمجرد ومفيش بيني وبينه تواصل وساعة وفاة والدتي جاب رقمي وعزاني.
وأضاف عبد الفتاح الجريني: راشد الماجد فنان كبير بيساعد أي حد في بداياته، وكلمه في يوم حسن طالب وقاله أنا مدير الجريني وسمع أغنية أشوف فيك يوم وعجباه ويتمنى تكون عنده زيها، فقاله هدية مني له وشياكة في التعامل، ومستخسرش حاجة في حد لسه بيبتدي، وهي اللي عملت اسمي.
وأشار عبد الفتاح الجريني إلى أنه لم يسافر إلى مسقط رأسه المغرب منذ 4 سنوات بسبب عدم قدرته على العودة لمنزله بعد وفاة والدته.
