محمد أنور عن مباراة ريال مدريد وتشيلسي: إلغوا الدوري المصري وادفعوا لنا اشتراك bein sports
سخر الفنان محمد أنور من بطولة الدوري المصري، مشيدًا في الوقت ذاته بأداء لاعبي ريال مدريد وتشيلسي، في مباراتهما التي انتهت منذ قليل، بتأهل فريق ريال مدريد الإسباني، إلى نصف نهائي بطولة دوري أبطال أوروبا، على حساب نظيره تشيلسي الإنجليزي، بنتيجة 3 - 2، ولكنه حسم مجموع المباراتين بنتيجة 5-4 عقب تفوقه على البلوز في عقر داره بثلاثية.
وكتب محمد أنور، في منشور عبر حسابه بموقع التواصل الاجتماعي فيسبوك: والله بعد اللي بنشوفه دلوقتي.. أنا شايف إنهم يلغوا الدوري المصري.. وبالفلوس اللي بتتصرف عليه.. يدفعوا للناس اشتراك bein sports عشان يتفرجوا على الكورى اللي بجد.
من ناحية أخرى، سبق أن تصدر محمد أنور محركات البحث على جوجل؛ بعد حلقته في برنامج رامز موفي ستار.. الذي يقدمه رامز جلال على إحدى القنوات الفضائية، وذلك بعد تعليقات الجمهور عليه بطريقة ساخرة؛ بسبب رد فعله، حينما شاهد النجم العالمي فاندام، كما اتهم بإهانة الفن؛ بسبب قوله لـ فان دام: أنا ممكن أنزل أبوس رجلك؛ تعبيرًا عن سعادته بلقائه؛ كونه من جمهوره، ونشأ على أفلامه في مرحلة طفولته.
بدوره، قال محمد أنور، إنه كان متوترًا وسعيدا برؤية فاندام، موضحا: كنت فرحان إني شوفت فاندام، لكنهم سابوا الحاجات دي كلها، لو فتحت السوشيال ميديا كلها؛ هتلاقي محمد أنور وفاندام، فيسيبوا كل ده، ويركزوا في الجملة دي، والجملة مقطوعة، أنا كنت بقولها، مش قصدي خالص أهين حد، ولا أقلل من حاجة.
وأوضح في تصريحات لـ القاهرة 24: من كتر فرحتي؛ أنا ممكن أوطي على رجلك أبوسها، يعني جملة عفوية جدًا، والحلقة كلها عفوية جدًا الحمد الله، مش قصدي من وراها أي حاجة، ولا فيها أي حاجة، ومش معناها إني أقلل من الفن المصري خالص، بس هي فرحة، ده كان عشق الطفولة بالنسبة لي، فاندام ده من كتر فرحتي؛ ماكنتش عارف أعمل له إيه عشان أبسطه، طِلعِت عفوية، مش قصدي أي حاجة.
