حسن شاكوش: اللي يقول هدرب حمو بيكا عشان يبقى صوته حلو مجنون
علق مطرب المهرجانات الشعبية حسن شاكوش عن تطوع أحد المطربين الشعبيين لتعليم حمو بيكا الغناء خلال شهر واحد فقط، خلال حواره مع الإعلامية أسما إبراهيم ببرنامج حبر سري على قناة القاهرة والناس.
وقال حسن شاكوش: اللي يقول هاتلي حمو بيكا عشان أدربه يبقى صوته حلو ده مجنون.
وكشف حسن شاكوش عن الاختلاف بينه وبين حمو بيكا: أنا بقدر أغني موال وشعبي ومهرجانات، بالنسبة لحمو هو ليه مكان معين يغني به، مفيش حد يقدر يدرب شخص ويخليه صوته حلو ده مجنون.
عبد الباسط وحمو بيكا
وفي سياق آخر، صرح المطرب عبد الباسط حمودة، بأنه يرحب بتدريب مؤدي المهرجانات الشعبية حمو بيكا وتعليمه أساسيات الطرب لاجتيازه على اختبارات نقابة المهن الموسيقية وحصوله على كارنيه رسمي من النقابة.
وتابع عبد الباسط حمودة خلال مداخلته الهاتفية لأحد البرامج التليفزيونية، قائلا: هخليه يغني كأنه بيغني بقاله 30 سنة بس هو يديني ودنه لأن هو بعيد، وأنا بحبه، وأنا هخليه مطرب زي سيد الملاح وإسماعيل ياسين، وخامة صوته كويسة، وزي شعبان عبد الرحيم، وزعلت لما حمو بيكا غير اسمه.
وأضاف عبد الباسط حمودة، أنا علمت ناس كتير منهم شيبة وطارق الشيخ ومحمود الليثي وأنا علمت نيكول سابا ودنيا سمير غانم في أماكنهم، وأنا بحب حمو أوي ولما باجي اتصل بيه بلاقي تليفونه مقفول ومبعرفش أوصله.
