كريم فهمي: إيه المشكلة لو مراتي قالتلي إن واحد شكله حلو؟
تحدث الفنان كريم فهمي، عن علاقته بزوجته، وتناول دور الغيرة في حياتهم الزوجية، والذي أكد أنه لا يوجد رجل عينه مش زايغة على حد قوله.
وقال كريم فهمي، خلال حواره مع الإعلامية أسما إبراهيم، في برنامج حبر سري المذاع عبر شاش قناة القاهرة والناس: مفيش راجل عينه مش زايغة، الفكرة كلها إزاي هتقدر تحترم اللي أنت بتحبها، وعلى قد حبك ليها أنت مش هتبص برا، لو لقيت واحدة حلوة بهزر مع مراتي وأقولها.. زي ما أنا صريح على الهواء أنا بهزر معاها والموضوع لا يتخطى هذا الإطار.
وتابع: في رجالة بيبقوا متجوزين ملكات جمال وبيبصوا برا وحاجة صعبة، أنا بقولك الرجالة تركبيتهم السيكولوجية غريبة، الرجالة بجد غراب جدا، الفكرة كلها في تربيتك واحترامك لمراتك، أنا بالنسبة ليا لو هبص على واحدة هتبقى هي قاعدة جمبي وبقولها عليها.
ورد على سؤال الإعلامية أسما إبراهيم، إذا ما كان سيقبل أن تقول له زوجته أنه يوجد رجل وسيم مر بجانبهم، فقال: أنا واحد من الناس بقول إن أحمد عز شكله حلو جدا، وإيه المشكلة لو مراتي قالت كده؟.. هو مش شكله حلو؟.. هل غلط إن نقول إن واحد شكله حلو؟ مراتي شخصيتها قوية جدا وبتقول أي حاجة هي عايزة تقولها ولولا وجودها وحبي ليها كان زماني مبهدل الدنيا.
آخر أعمال كريم فهمي
وفي سياق آخر، يشارك الفنان كريم فهمي في بطولة فيلم السرب، بجانب الفنان أحمد السقا، شريف منير، أحمد حاتم، آسر ياسين، وعدد آخر من الفنانين، عمرو عبد الجليل، قصي خولي، دياب، هند صبري، محمود عبد المغني، إسلام جمال، وهو من إخراج أحمد نادر جلال، ومن المقرر عرض الفيلم خلال الفترة المقبلة.
