تسريب جديد لخيرت الشاطر في الاختيار 3: عصام سلطان كان بيدي رشاوي.. وعنده انحرافات قوية
عرضت الحلقة العشرين من مسلسل الاختيار 3، تسريبا جديدا لخيرت الشاطر، نائب مرشد جماعة الإخوان الإرهابية.
وخلال التسريب، قال الشاطر: هو عصام مش عاقل أصلًا في عدواته، مش عاقل، طبيعة شخصيته كده، عصام سلطان بس هو كان رئيس اتحاد طلبة، وعامل إنه زعيم، وبعدين إحنا إشكاليتنا الرئيسية معاه، بس منقدرش نعلنها صراحة، كان عندنا أدلة إنه بيدي رشاوي وكدا، فماينفعش بغض النظر تتفق معانا سياسيا؛ إنك تتعامل معاه تحت أي ظرف، واللي زي ده ماينفعش تقول عليه إخوان مسلمين.
وردَّ مرسي على الشاطر: هو خد فلوس منين؟، فتابع الشاطر: لو واحد سرق أو خلافه؛ فهو كان عنده انحرافات قوية، بس إحنا مش أسلوبنا نقعد نتكلم.
وأضاف مرسي: خد فلوس لما راح إيران؟، وبعدين ده واحد جابلي الفلوس حتى في مكتب من المكاتب.
مسلسل الاختيار في الجزء الثالث، الذي يعرض في شهر رمضان، يتناول عددا من الأحداث والقضايا التي شهدتها مصر خلال السنوات الماضية، في أثناء فترة تولي جماعة الإخوان الإرهابية السلطة، والمؤامرت التي دبرتها الجماعة الإرهابية ضد الدولة المصرية خلال توليها الحكم، وضد مؤسسات الدولة المختلفة، وخاصة جهاز الأمن الوطني في وزارة الداخلية، وجهازي المخابرات العامة والحربية، وهي الجهات التي كان لها دور كبير في إحباط المخططات التي سعت الجماعة الإرهابية لتنفيذها في مصر.
وعرضت الحلقة 18 من مسلسل الاختيار، تسريبا جديدا للرئيس المعزول محمد مرسي وخيرت الشاطر.
وخلال التسريب، قال مرسي: لأ.. النهاردة بتوع اللجان قاعدين.. وكلهم عاوزين لجنة العلاقات الخارجية.. محمد أنور السادات عايز لجنة العلاقات الخارجية؛ وإلا الدنيا مهدودة.. هو رامي لكح.. هم عارفين إن رامي في المخابرات.. ومحمد أنور مع الإسرائيليين.. يعني حافظينها.
كما رصد جهاز المخابرات الحربية، مخططا للجماعات الإرهابية لاستهداف ياسر برهامي الداعية السلفي، والدكتور محمد سعيد رسلان، الداعية السلفي.
وخلال الحلقة حصل الضابط مصطفى خلفية على معلومات تتعلق بعملية الاستهداف من أحد العناصر، الذين ألقى القبض عليهم، والذي برر الأمر؛ بكون رسلان وبرهامي مبدلين لشرع الله.
