الاختيار 3.. خيرت الشاطر في تسريب: عصام سلطان مش عاقل.. ومرسي: خد فلوس لما راح إيران
عرضت الحلقة العشرين من مسلسل الاختيار 3، تسريبا جديدا لخيرت الشاطر، نائب مرشد جماعة الإخوان الإرهابية.
وخلال التسريب، قال الشاطر: هو عصام مش عاقل أصلًا في عدواته، مش عاقل، طبيعة شخصيته كده، عصام سلطان بس هو كان رئيس اتحاد طلبة، وعامل إنه زعيم، وبعدين إحنا إشكاليتنا الرئيسية معاه، بس منقدرش نعلنها صراحة، كان عندنا أدلة إنه بيدي رشاوي وكدا، فماينفعش بغض النظر تتفق معانا سياسيا؛ إنك تتعامل معاه تحت أي ظرف، واللي زي ده ماينفعش تقول عليه إخوان مسلمين.
وردَّ مرسي على الشاطر: هو خد فلوس منين يعني، فتابع الشاطر: لو واحد سرق أو خلافه؛ فهو كان عنده انحرافات قوية، بس إحنا مش أسلوبنا نقعد نتكلم.
وأضاف مرسي: خد فلوس لما راح إيران، وبعدين ده واحد جابلي الفلوس حتى في مكتب من المكاتب.
ويحظى مسلسل الاختيار في الجزء الثالث منه الذي يعرض هذا العام بنسب مشاهدة عالية من الجمهور المصري، والعربي بسبب الأحداث التي يتعرض لها والتي تمثل مرحلة زمنية فارقة في التاريخ المصري، إذ يتناول فترة تولي جماعة الإخوان المسلمين الإرهابية والمخططات التي دبرتها ضد مؤسسات الدولة المصرية بما فيها الجيش والشرطة والقضاء، حيث سعت الجماعة إلى أحلال عدد من القضاء التابعين لها في المناصب، القيادية في جهاز القضاء.
بينما عرض مسلسل الاختيار 3 تسريبا جديدا لعبد المنعم أبو الفتوح، المرشح الأسبق على منصب رئيس الجمهورية.
وخلال التسريب قال عبد المنعم أبو الفتوح: كنت أرى في حازم صلاح أبو اسماعيل الإنسان المتدين، لكن وصوله للسلطة كارثة، أنا قلتله يا سيادة اللواء أنت لو وصلت للسلطة يا ابني في مصر؛ هتبقى كارثة، إيه اللي بتعمله دا؟".
وأضاف أبو الفتوح: مصر تستحمل الهباب اللي انت بتعمله؟، إي ده؟ بتعمل إيه؟، لكن للأسف كان ليه مناصرين ومؤيدين، وجت من عند ربنا ولا كنت أعرف إن أمه أمريكية ولا خالته إيه ولا أي حاجة.
واستعرضت الحلقة السابقة من مسلسل الاختيار لقاء بين محمد مرسي وخيرت الشاطر وأحمد عبد العاطي مدير مكتب رئيس الجمهورية، بالتزامن مع أحداث الاتحادية وخلال اللقاء قال مرسي: الدنيا مقلوبة علينا حتى الأمريكان فيه استياء".
